كبة مقليه مسابقه زاكي 5
كبة مقليه مسابقه زاكي 5
المقادير
- 2كيلو برغل ابيض
- هبره نص كيلو
- حبتين بطاطا مسلوقين
- 4 حبة بصل
- كاسة سميد خشن
- لوز ارباع الحشوة
- 2كيلو لحمه مفرومه للحشوة
- ملح
- معلقتين فليفله حمره
- فلفل اسود
- زيت للقلي
الخطوات
يسعد اوقاتكن رفقاتي عملت كبة مقليه وحبيت انكن تشوفوها ..
اول شي حبيباتي بجاط كبير منحط البرغل والسميد وملح والفليفله الحمرة ومنحطلون مي غمرون بعدين منحط البطاطا المسلوقه وحبة بصل والهبرة فوقون ومنديرون ع ماكينه الكبه دورتين وبين الدور والدور مندعكون شوي ..بعدين بلطنجرة منحط اللحمه المفرومه والبصل بعد ما نفرمو فرم ناعم وملح وفلفل اسود ومعلقه فليفله لحتى تنشف ميتها بعدين منقلي اللوز ومنحطو فوق اللحمه بعد ما تستوي وبعد هيك صار وقت الجد…والشغل..بتبلش شغل ست البيت المعدله متلي طبعا.ههههه.مداح نفسو بسلم عليي ههه منرجع للجد منكبكب الكبه ومنجهزها التاني يوم انا عني ما بلحق بنفس اليوم …وتاني يوم منقليها ومنجهز شو بدنا نعمل جنبها
الف صحه وهنا على قلبكون وان شاء الله تعجبكم
وان شاء الله الوصفه الجاي رح نزل صور اكتر
