فطائر المورقة خفيفة بطعم رائع ملكة زاكي 6
فطائر المورقة خفيفة بطعم رائع ملكة زاكي 6
المقادير
- ٢٥٠ مل من الماء الدافئ
- ملعقة صغيرة ملح
- ٥٠٠ غرام طحين
- ١٢٠ خليط من الزبدة والسمنة
- الحشوة لحمة مفرومة ناعم
- ثلاث حبات بصل
- حشوة الجبنة جبنة بيضة
- جبنة موزريلا
الخطوات
السلام عليكم ورحمة الله وبركاته
يسعد اوقاتكم شيفات زاكي طمنوني عن حالكم أن شالله تكونو باحسن حال رح نعمل فطائر كثير خفيفة وزاكية ومناسبة للموائد وعزومات بما انو رمضان كريم على الابواب الله يجعلكم من عواده مكوناتها سهلة وبسيطة
بنضيف الماء الدافئ والملح وبنحرك لحتا يذوب الملح وبنزل بالطحين وبنعجن لحتا تتشكل عجينة متماسكة وطرية بنغطيها وبنتركها ساعة ترتاح قطعت العجينة قطعتين ورشيت نشا ورقيتها بالشوبك لحتا صارت رغيف كبير بنجيب عصا خاصة لنرقها بشكل أكبر بنلف العجينة على العصا وبنفردها بيلزمنا سطح العمل يكون واسع انا فردتها على غطا الفرن وكل مرة بنلف العجينة وبنفردها بتتوسع وحجمها بكبر وبنضل هيك لحتا تصير رقيقة صدقا شغلها سهل والعجينة بتساعدنا عالفرد بندهن وجه العجين بخليط الزبدة والسمنة وبنلفها وبنقطعها قطع بحجم عقدة الاصبع وبنضغط من الجهة يلي قطعناها لحتا يعطينا شكل الدائري المورق بنغطيهن وبنتركهن نص ساعة بنفرد القطع بالشوبك وبنحشيها انا حشيتها لحمة وجبنة وسكرتها الأطراف على شكل مثلث وحطيتن بصينية مدهونة بالزيت ودهنت وجه الفطائر ببيضة مع ملعقة خل ابيض وبنرش سمسم أو حبة البركة حسب الرغبة وبندخلهن الفرن لحتا ياخذو من الاسفل وبنحطن تحت الشواية لحتا يتحمرو وياخذو لون وبس طالعتن بندهن بالسمن لحتا يعطونا لمعة
وهيك صارو جاهزين وان شالله تعجبكم وصحة وهنا
