اكلات رمضان بالصور والمقادير سهلة وسريعة من زاكي.
اكلات رمضان بالصور والمقادير سهلة، سوف تجعل مائدة الإفطار في شهر رمضان المبارك لذيذة ومفعمة بالنكهات بعد يوم طويل من الصيام يمكنك أن تكافئي عائلتك بألذ الاطباق والوصفات الشهية وليس بالضرورة أن تكون الأطباق والوصفات اللذيذة صعبة، فهناك العديد من الوصفات الرائعة التي لن تستهلك من وقتك الكثير خاصة إذا كنت سيدة عاملة أو موظفة ولا تحظين بعطلة في رمضان المبارك ندعوكم للتعرف إلى مجموعة من الوصفات التي لا تستغرق وقت وجهد كبيرين في إعداد وتحضير اكلات رمضان بالصور والمقادير سهلة، لذا سوف نستعرض لكم متابعتنا الأعزاء عدد من اكلات رمضان بالصور والمقادير سهلة على منصة زاكي وصفة اكل من ربة بيت الى ربة بيت حصرياً على طول شهر رمضان المبارك والكريم.
اكلات رمضان بالصور والمقادير سهلة (1)
موسوعة اكلات رمضان بالصور، دوالي وكوسا مع لحمة.
مقادير ورق عنب وكوسا، اكلات رمضان بالصور والمقادير سهلة.
- ثلاثة كيلو كوسا حبة وسط
- كيلو ورق عنب
- كيلو بندورة حمراء شرائح
- كيلو بندورة حمراء معصورة
- أربع كاسات رز صنوايت
- نصف كيلو لحمة مفرومة
- كيلو لحمة قص للدوالي
- راس بصل
- ملح
- فلفل أسود
- بهارات مشكلة
- ربع ملعقة زنجبيل
- ربع ملعقة هيل
- نعناع ناشف
- زيت زيتون
طريقة عمل الكوسا والدوالي.
- ننقع الرز عشر دقائق ونفرم بصلة مع حبتين بندورة فرمة ناعمة ونحط اللحمة المفرومة والملح وزيت زيتون وشوية نعناع ناشف وبهارات مشكلة وهيل وزنجبيل.
- نحفر الكوسا ونغسلها ونحشيها تلتين الحبة.
- ونلف الدوالي ونصفها في طنجرة مع شرحات البندورة ونحط قطع لحمة تحت الدوالي وبس نخلص نحط كمان شرحات بندورة وملح وكم فص ثوم ونحط فوقهم صحن ونسكب الماء المغلي فوقها ونحطهم على نار هادية ونرشه بزيت زيتون ونتركهم حتى يستوي الدوالي.
- الكوسا نصفها في طنجرة ثانية ونعصر عليها بندورة حمراء ونرش ملح ونحطها على نار وسط.
اكلات رمضان بالصور والمقادير سهلة (2)
اكلات رمضان سهلة وسريعة، طريقة مسقعة الباذنجان سهلة.
مقادير مسقعة الخضار، اكلات رمضان بالصور والمقادير سهلة.
- كيلو باذنجان حبة طويلة
- نصف كيلو لحمة مفرومة
- حبتين بندورة
- حبتين فليفلة خضراء شرحات
- حبتين بندورة طريات
- معلقتين صلصة بندورة
- قرن فلفل أخضر
- بصلة صغيرة
- ملح
- بهارات
طريقة مسقعة سهلة.
- ابرشي بصلة ناعمة مع رشة زيت زيتون وشوحيها بعدين ضيفي اللحمة وقلبيها جيدا حطي ملح ورشة قرفة ورشة بهار مشكل وقلبيها وبعدين ضيفي الفليفلة مقطعة مربعات صغيرة واذا بتحبي تضيفي فلفل اخضر حسب الرغبة وقلبيها وبس يطبخوا سوا بمكبس الثوم اهرسي فص او اثنين وقلبيها واذا تحبي تضيفي بهارات حسب ذوقك.
- في خلاط الكوكتيل تحطي كوب ماء وحبتين بندورة طريات وملعقتين صلصة بندورة ورشة ملح ورشة فلفل ونخلطهم حتى ينعمو.
- نقوم بتقطيع الباذنجان سميك شوي وبنفتح بوسطها فتحه مثل سندويش للحشوة ونرشها بالملح وخليهم يزلو سوائل.
- بعدا في مقلاة تحطي القليل من زيت الذرة وتحطي الباذنجان وقلبي على وجهين حتى يكسب لون ذهبي ما تكثري زيت يكون الزيت غزير منشان البتنجان بشرب زيت كتير وتحطيهم في صفاية يمتصون منهم الزيت أو على ورق مطبخ.
- بعدا تفتحي الفتحة اللي بالوسط وتعبيها حشوة وتعملي كل الكمية بنفس الطريقة بعدين رصيها في صينية وتحطي لهم شرحات بندورة وشرحات فليفلة وفلفل أخضر حسب الرغبة ونضيف لهم الصوص وتحطيها بالفرن من فوق ومن تحت شي ساعة على نار واطية عشان يطبخوا ويتجانسو مع بعض.
اكلات رمضان بالصور والمقادير سهلة (3)
اكلات شامية بالصور والمقادير، كفتة بالطحينة فلسطينية.
مقادير كفتة بالطحينة واللبن، اكلات رمضان بالصور والمقادير سهلة.
- كيلو لحمة مفرومة ناعم هبرا
- ضمة بقدونس
- حبة فليفلة خضرا
- قرن فلفل أخضر
- ثوم
- كوب طحينة صغير
- حبتين ليمون
- رأس بصل صغير
- ملح
- بهارات مشكل للحمة فقط
- فلفل أسود
- بطاطا
طريقة عمل الكفتة بالطحينة.
- خلاط الكوكتيل تحطي كوب طحينة صغير مع عصير ليمونة ومعلقة ملح وكوبين ماء فاتر وتخلطيهم شي 5 دقائق حتى يتجانسو ويعطيكي اللون الأبيض الكثيف.
- محضرة الطعام افرمي البقدونس ناعم وتقطع الفليفلة والفلفل والبصل وثوم وبتحطي معهم البقدونس حتى ينفرموا ناعم بعدين بضفيهم على اللحمة الهبرة ونضيف الها البهارات ملح وفلفل اسود وبهار مشكل وتخلطيها منيح.
- تعملي الكفتة اصابع صغيرة جميع الكمية ورصيها بصدر وتحطيها بالفرن تنشوي من فوق ومن تحت وما تحمريها كتير عادي تكون مستوية، وبعدين نعمل إزالة الشوائب بعدين تحطيها بصفاية تمتصها من الشوائب.
- وبعدين قشري البطاطا وقطعيها اصابع واقليها وتحطيها بورق المطبخ تزل الزيوت، وبتقلي 5 سنون ثوم مع البطاطا وخلي لونهم أشقر مو احمر مفحمات.
- بعدين في صينية على الغاز بتحطي الطحنية على نار واطية لحد ما تغلي مع التحريك المستمر منشان ما تكتل معك، بعدين اعصري سنون الثوم المقلية وسقطهم بالطحينة لتعزيز النكهة بعدا سقطي الكفتة والبطاطا وخليهم يغلو منيح ويطبخوا سوا ثلث ساعة، وتذوقي.
اكلات رمضان بالصور والمقادير سهلة (4)
اكلات شهية بالصور والمقادير، طريقة عمل روستو اللحم مع الخضار.
مقادير روستو لحمة مدقوقة اكلات رمضان بالصور والمقادير سهلة.
- كيلو لحمة روستو
- شهباية
- حبة بصل
- حبة ثوم
- حبة جزر
- ورق غار
- فلفل أسود
- ملح
- زيت نباتي
- كريم فريش
- طحين
- زبدة
طريقة عمل شرائح الروستو.
- نخرج الروستو من البراد و نلف الخيط حولها على شكل دوائر ثم ندهنها بالزيت و نرش فلفل أسود و ملح ونشوحها بالمقلاة من جميع الأطراف حتى تحمر.
- نضعها في صينية الفرن مع الباقة العطرية مع لتر ماء حار نغطي الصينية بورق الألمنيوم و نضعها في فرن درجة حرارته 200 درجة مئوية لمدة ساعتين، نخرجها من الفرن و تترك لترتاح مدة عشرين دقيقة.
- ثم نقطعها دوائر رقيقة و تقدم حسب الرغبة مع خضار سوتيه أو بطاطا بوريه مع الصوص .
- طريقة الصوص : نضع في وعاء زبدة و طحين و نضع عليها مرقة الروستو و نحرك و نضع كريم فريش مع فلفل أسود و ملح و نتركها حتى يصبح قوامها متماسك.
اكلات رمضان بالصور والمقادير سهلة (3)
مكتوبة اكلات رمضانية بالصور والمقادير، وصفة فوارغ وكرشات.
مقادير كرشات وفوارغ، اكلات رمضان بالصور والمقادير سهلة.
- كيلو رز مصري
- كيلو لحمة مفرومة
- نعناع اخضر
- نعناع ناشف
- ريحان ناشف
- ربع ملعقة صغيرة قرفة
- ربع ملعقة صغيرة هيل مطحون
- ملح
- فلفل أحمر
- فلفل أسود
- كوب زيت نباتي
- بقدونس
- فلفل اخضر (حبتين)
- ربع ملعقة صغيرة كمون
- بصلة كبيرة
- ملعقة سماق
- ملعقتين دبس رمان
- ملعقتين دبس بندورة
- ملعقتين محمرة (هريسة حارة)
- خمس حبات ثوم
طريقة طبخ الكرشات.
- تاخذين رأس الفوارغ وتقلبيها من رأسها لجوى باصبعك وبعدين تاخذين شوي حشوة وتحطيها باصبعك شوي شوي وهيك لحتى تطلع من الطرف التاني وتتعبى تقريبا من الحشوة.
- بتكملي الباقي كلهم بنفس الطريقة.
- بعدين انا بقصها بالمقص وبربط الطرفين مع بعض بخيط.
- وبعد مايخلص بغسلهم مرة تانية منيح وبعدين على النار.
- طبعا سبق وانا نقعت كوبين حُمُّص بماء بارد وملح قبلها بليلة وهدول بنحطهم بالطنجرة ونحط فوقها ورق غار وخمس حبات قرنفل وخمسة هيل وفلفل اسود حب.
- وبحط الفوارغ المحشية فوقها ونحطلها ماء ساخن ونحطها على نار وسط ونحاول نثقبهم بسيخ رفيع حتى يدخل فيها الماء ونتركها تغلي تقريبا ساعة او اكتر.
- وقدميها ساخنة وصحتين وهنا.
الى هنا نكون قد وصلنا الى نهاية مقال اكلات رمضان بالصور والمقادير سهلة، أتمنى أن تكون عادت بالنفع على ربات البيوت العاملات، وأن تكون وصفات الطعام بسيطة وسهلة حتى نوفر على جميع ربات البيوت الراحة الكافية لهم في شهر رمضان المبارك، كما أننا سنستمر في جدولنا هذا على طول شهر رمضان فقط وحصرياً على منصة زاكي وصفة اكل من ربة بيت لربة بيت.
يمكنكم متابعينا متابعة صفحات منصة زاكي على مواقع التواصل الاجتماعي: