معمول الحليب المكثف
معمول الحليب المكثف
المقادير
- نص كيلو طحين
- نصف كيلو سميد الفرخة
- نصف كيلو سمنة
- ثلاث ارباع الكوب حليب مكثف
- ثلاث ارباع الكوب ماء بارد
- ملعقة صغيرة محلب مطحون
- ملعقة صغيرة فانيلا
- ملعقة كبيرة ماء زهر٩
الخطوات
السلام عليكم ورحمة الله وبركاته
كيف حالكم شيفات زاكي طمنوني عنكم اشتقتلكم كثير زمان ماشاركت بسبب ضروف وحبيت اليوم اشارك معاكو طريقة المعمول المكثف
بنخلط الطحين مع السميظ الفرخة وبنزل عليهن السمنة وبنبسهم كثير منيح وبندخلهن الثلاجة ليلة كاملة ثاني يوم بنطلعهن يفكو وترجع العجينة طرية بنضيف المحلب والفانيلا وبنقلبهم مع الطحين والسميد وبنضيف الحليب المكثف البارد و نبلش نعجن بهدوء بطريقة اللم والتجميع وبنضيف الماء البارد مع ماء الزهر بنزل المي على دفعات وبنستمر بالعجن لحتا تتشكل عنا عجينة بنقدر نشكلها بدون تتشققات وبندخلها الثلاجة نصف ساعة ترتاح بنطلع جزء من العجينة وبنشكل بحبات المعمول وبنصفهن بصينية وبنغطيها وبندخلها الثلاجة لحتا نخلص الكمية وبندخلهن على فرن 250 من فوق وتحت واول مايصير وجه المعمول زهري بنطفي الشواية وبس تتحمر القاعد بنطالعن وبنتركهن يبرد تماما وهيك صارو جاهزين وان شالله عوافي
ملاحضة ممكن استبدال سميد الفرخة بالطحين ممنوع تضيفو الماء دفعة واحدة ممكن تحتاجو ثلاث ارباع الكوب او نصف الكوب حسب استعياب السميد
