ميني سويسرول

الطريقة:
بيضتين مفصول البياض عن الصفار
ربع كوب سكر
نصف الكوب طحين
رشة فانيلا

نخفق البياض بالخفاقة كتير منيح ليبدأ يرتفع ويصير ميرنغ وبنضيف السكر ونحن عم نخفق
بنخفق الصفار مع الفانيلا كمان كتير منيح

ننخل الطحين 3 مرات

بس يصير الميرانغ تبع البياض جاهز ومرتفع بنضيف عليه مزيج الصفار ونخلطن بالمعلقة الكبيرة مو بالخفاقة وبنضيف الطحين بالتدريج

بنبطن صينية الفرن المستطيلة بورق الزبدة وبنصب الخليط ومنسوي السطح والاطراف
ندخلها الفرن المحمى مسبقا عالرف المتوسط بدرجة 180 لمدة 10 ل 12د بس

منطلعها من الفرن ونغطيها كم دقيقة بفوطة نظيفة وبنقلبها عالفوطة ومنرفع ورق الزبدة ومنلف المستطيل رول مع فوطة المطبخ ومنتركها لتبرد ومنعمل الحشوة
ممكن شوكولا او كريمة شانتي او حشوة التشيز كيك او مربى

بس يبرد الرول بنفرده وبندهنه بالحشوة اللي اخترتوها وبتلفوه من جديد وعالبراد ساعة عالاقل ليبرد منيح ويتماسك وزينوه باللي بتحبوه
ممكن ينعمل قبل بيوم