دبس التمر بس بمكونين
دبس التمر بس بمكونين
المقادير
- كيلو عجوة
- لترين ماء
- وبسسسسسسسسسس….
الخطوات
السلام عليكم ورحمه الله وبركاته
كيفكم يا احلى صبايا بالوطن العربي
انا شتقتلكم كثيررررررر
انتو شتقتولي
بصراحة غبت عن زاكي بسبب قلة الفضاوة والفصول الدراسية يلي بتركض ركاض سامحوني انتو والادمن ع التقصير
بس عملت هي الوصفه وطلعت بتجننننننن وقلت حرام ما نزلها لأحلى صبايا وكثير سهلة
بسم الله
اول شي بطنجرة بنزل كيلو عجوة مثل يلي بصورة بدون ما اعمل فيو شي كامل مكمل وبضيف فوقه لترين ماء مغلي أو عادي بغليهن وهم بالطنجرة مع بعض وبشغل النار وبس يبلشو يطلعو رغوة بشيلهم بمعلقه وبرجع بحرك وبمعس وبمعس حتى يصيرو متجانسات وزي الشروبة واكيد الصور بتوضح وبعدين بتركهم يبردو وبصفيهم بشاشة أو بقطعه قماش حتى نزل كللللللل السوائل برجع بحط السوائل يلي نزلت بطنجرة وبشغل النار وبتركهم يعقدو مثل القطر كيف بعرف أنهم وصلو للدرجه المطلوبة
بعد ما يثقل السائل بصحن صغير بصب فيه ملعقه من الدبس وببردو وبشوف القوام اذا كويس خلص مشي الحال أما إذا سميك بدير فوقه شوية مي أما اذا بعدو خفيف بخلي ع النار وبس خلص بصبو بالبرطمان وصحة وعافية
مع الفطور وجنبه طحينة أو قشطة أو زبدة بشهيييي
إن شاء الله كون وصلت الطريقه صح الصور بتوضح كل شي
السلام عليكم يا احلى قارئين
