أنجح طريقة للبرازق الشامية على أصولها

أنجح طريقة للبرازق الشامية على أصولها
معكم صديقة زاكي المميزة الشيف علا سليمان طاشمان

برازق …
بصحن غميق بنخل كاس طحين ..كاس سميد بودره اذا مو متوفر ممكن تستخدمو طحين ..

انا بفضل لسميد بودره عشان القرشه ..معلقه صغيره بيكنغ باودر ..نص معلقه صغيره محلب ..

معلقتين حليب بودره .. على جنب .. كاس زبده لينه او كاس سمنه لينه ..

بنخفقهم منيح بمضرب الكيك حتى يصير كريمي ..بنضيف معلقتين زيت ذره وبنستمر بالخفق ..كاس الا ربع سكر بودره بنزلو شوي شوي مع استمرار الخفق ..

وبنزل بيضه بحرارة الغرفه ..معلقه صغيره فانيله ..بنخفق كتير منيح .. بنحط الخليط على الطحين ..

بنفركو فرك مو عجن ..حتى تتشكل عندكم عجينه ..بنريحها بالتلاجه نص ساعه او ساعه ..

وبنشتغل فيهم .. بنعمل كره وبنضغط عليها وبندهن الوجه قطر وبتحطوها بصحن السمسم ..

او اخلطو السمسم مع القطر ورشو السمسم على الوجه .. وعلى الفرن 180 درجة الحراره الرف الوسط ..

من تحت حتى يتحمرو الاطراف وشوي من فوق ..والف صحه

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي