طريقة ناجحة 100% للأكلير الفرنساوي
معكم المبدعة وصديقة زاكي Aia Faied
ياترى الوصفة دي تستحق كام تعليق!!!! هشوف انا عن نفسى مش هتأخر عنكم بحاجه هشوف بقى هتكافؤونى ازاى
دة الاكلير بتاعى تطبيقى لاول حصه فى الكورس بتاع الشيف Eyaid Eyaid ربنا يجازيه عنا خير يارب ورسالته من الكورس انه يعلمنا واحنا نوصلكم المعلومه بشكل دقيق وكويس يعنى كدة كدة كانكم معانا بالزبط فى الكورس وهتتعلمو كل حاجه زينا
نبتدى باسم الله الرحمن الرحيم
اولا عجين الاكلير :
500 جم ماء
100 جم زيت
100 جم زبدة
سنه ملح
سنه سكر
325 جم دقيق
8 بيضه
فانيليا
الطريقة:
نضع الماء والملح والزبدة والزيت على النار لحد ماتغلى وننزل بالدقيق ونقلبه لحد ماتبقى عجينه نشلها من على النار
ونحطها على رخامه لحد ماتبرد خالص
نحطها فى مضرب كهربائى وننزل بالبيض بيضه بيضه مع الفانيليا ونعجن لحد ماتتجانس
هنحطها فى كيس حلوانى ونشكلها فى صينيه مدهونه زبدة ونقطعها مقاس الصباع
اهم حاجه ندخلها الفرن ممنوع تفتحى عليها الفرن قبل نصف ساعه على درجه 160 هيطلع هنبرده خالص ونفتحه نصفين ونحضر الحشو بقى
الحشوات:
باسترى جاهز وهو عبارة عن نصف كيلو لبن على 200 جم باسترى كريم وكيس كريم شانتيه مخفوق نقلبهم على بعض ونحشيه بيها ونزينه
ولو هنعملها فى البيت :
500 جم لبن على نار هادئه لحد الغليان ننزل عليهم بخيط رفيع
100 جم سكر
50 جم نشا
5 بيضات
مع التقليب السريع ونسيبها تبرد خالص ونضيف عليها شويه كريم شانتيه مضروبين ونحشى بيها
لو هنعمل فاكهه هنحشى باسترى مع شانتيه وفاكهه
لو شيكولاته هنعمل باسترى وعليه شيكولا سايحه ونقلبهم ونحشى
والتشوكليت اللى ع الوش بنسيحه على حمام بخار على معلقتين زيت ونزين بيه
وبعد حشوه ندخله الثلاجه ساعه
ممكن يتحشى حادق جبنه او تونه
يارب اكون شرحت الشرح الوافى زى الشيف واى استفسار تحت امركم
#أيووووش
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي