كعك بالسميد طري وبذوب بالتم
معكم صديقة زاكي المميزة Shadia Awadallah
كعك بالسميد .. طري وبدوب بالتم ..واي سؤال من عيوني ?
المقادير
كل كيلو سميد باكيتين مرجرين الباكيت 200غم يعني زبدة نباتية للحلويات وباكيت صغير 100 زبدة حيوانية
بندوب المرجرين والزبدة وبنبس السميد وبنتركه يومين مع التحريك كل 3 ساعات ..مابستخدم الزيت لانو بيطعم بالكعك والسمنة بتخليه ينشف ..هيك بطلع طري وبدوب بالتم
الحشوة بستعمل تمر ما بستعمل عجوة انضف وازكى ..بفرموا وبعجنو بالزبدة وبحط قرفة ودقة كعك
لعجن العجين بغلي كاسة شاي ينسون مع 4 كاسات مي وبحط نص كاسة سكر وممكن الاستغناء عنها ..بصفيه وبتركه يصير دافي ..
بجيب ملعقة كبيرة خميرة مع ملعقة كبيرة سكر بكاسة مي دافية ..اول شي بنضيف الخميرة وبعدها مية ينسون حسب الحاجة وبنعجن من فوق لتحت او تقليب مو عجن ..بنتركها ترتاح 10 دقايق ..
بنقطعها وبنتركها ترتاح ..بنحشيها وبنقشها وبنتركها ترتاح على الاقل ساعتين قبل الخبز
الجوز بنقطعوا وبنضيف قرفة ودقة كعك وعسل او قطر كثيف
بنخبزه بفرن حرارة متوسطة النار من تحت بالاول ليتحمر القاع وبنشغل فوق لحتى نحمر سطحو
وصحة وهنا
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي