ميني جاتوه بطريقة المطاعم وأسرار روووعة

ميني جاتوه بطريقة المطاعم وأسرار روووعة
مساء الخير صبايا Oumaima Hakim اليوم راح أخبركم طريقة احترافية للكيك وبنفس تكتنيك المطاعم, تفضلوا معي.

حبيت فرجيكن على قطع الكاتو المزين انشالله يعجبكن
تكرم عيونكن
المقادير
اربع بيضات (بحرارة المطبخ )
رشة ملح
ملعقة صغيرة ڤنيليا سكر او سائلة
كوب سكر بودرة
كوب دقيق منخل(طحين لجميع المخبوزات )
ملعقة كبيرة بكنغ بودر
ازا بتحبو على كاكاو الكوب الدقيق منقص من الكوب ملعقتين دقيق ومن زيذ ملعقتين كاكاو سادة

الطريقة
يخفق البيض مع رشة الملح والڤانيليا وبنخفق حتى يعمل البيض رغوة من رش رش السكر البودرة ومنخفق كتير حتى يبيض لون البيض ويصير البيض جامد نوعآ ما ويرتفع ثم نوقف الخفق الكهربائي من حط الدقيق مع البكنغ بودر والكاكاو ازا على كاكاو الكاتو

في مصفاية ناعمة ونرش الدقيق رش ونقلب بهدؤ من تحت لافوق بملعقة خفيفة (سليكون او خشب )

ومن ثم نضع الخليط الكاتو في صنية الفرن او صنية مستطيل مدهونة بذبدة او سمة ومرشوشة بلدقيق او عليها ورق الذبدة توضع في فرن حامي على درجة حرارة ١٧٠

وتخبز لمدة بين السبع او العشر دقائق حسب الفرن
وعندما تخرج من الفرن تترك ترتاح لمدة ٣ دقائق وتقلب وتقطع بأية مقطع حسب رغبتك انا عملت ثلات طبقات وكل طبقة مدهونة كريمة ومحشية فواكة

كريمة للزينة
انا بستعمل كريمة سائلة خفق بردها قبل اقل شي ساعتين بلبراد وبحطلها ڤانيليا سكر وفي شي اسمو sahefest هيدا ازا ماموجود مش ضروري هيدا مثبت للكريما او حطي ملعقة كبيرة سكر بودرة لكل علبة 200 ملل وبخفق ازا بدي اعملها على شوكولا بحط لكل علبة ملعقة كبيرة كاكاو سادة وبس يجمدو انا وعم اخفق بوقف فورآ لانو ازا طولنا بلخفق بيتفرط وبتصير الزبدة لاحال والماء لاحال ماء الحليب

وهيدي كريما تانيه

6 بياض البيض
كوب ونص سكر عادي
2 كوب سكر بودرة
3/4 كوب crisco
2 كوب زبدة حلوة بحرارة الغرفة
ملعقة صغيرة فانيليا
نضع بياض البيض مع السكر العادي ب بان ماري على النار مع التحريك المستمر الى ان تصل حرارة المزيج 160 فهرنهايت
ثم نضعهم في الخفاقة حتى يبرد المزيج تمامااا ويتضاعف حجمه ويجمد منيح…نضيف السكر البودرة شوي شوي ثم نضيف الزبدة و crisco شوي شوي ونخفقهم 5 دقائق
هيدي لكريما لصديقة زاكي welaya ali

ممكن تضيفو النكهة حسب ذوقكن الشخصي
انا ضفت شوكولا مذوب لاحصل على كريما شوكولا

ملاحظة
ويلي بحب الوصي تتحضر لتاني او تالت يوم ممكن نذوب جيلاتين ونمسح الفواكه بتحافظ على شكلها او جلي مع كم نقطة ماء حتى تعطي لمعة
ملاحظة المقطع بكوب شاي او كوب ماء وماتقولو صغير لانو على الكريمة والمكسرات بتكبر الحبة

ملاحظة للكاتو
اي صنية موجودي عندك بس المهم لما تسكبي خليط الكاتو ما يطلح اكتر من ١١/٢ سم او ٢ ستم حتى صنية مدورة صنية مربع مسطتيلة يلي موجود عندك حتى فينك تعملي قالب يعني تحطي الخليط الكاتو بقالب كاتو عادي بس يكون مسكر كلو بتعملي القالب وبس يبرد تمامآ بتشرحية بلعرض بتكون سماكة الشرحة ١/٢ ١ سنتم ونصف وبعدين بتاخدي كل شرحة من القالب وبتقطعي دوائر كاتو

ويلي بيستصعب الكريما حطو ٢٥٠ غرام زبدة بحرارة المطبخ مع ٢٥٠ غرام سكر بودرة وخفقوهن مع بعض مع ملعقة فانيليا وملعقتين حليب سائل بيطلع كريمة كمان وفينكن تعملوها على شوكولا بتزيدو اربع ملاعق كاكاو سادة مسح وبتخفقوهن مع زيادة ملعقة كبيرة كمان حليب سائل

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي