الوربات بالقشطة رووووعة ما في كلام
معكم صديقة زاكي المميزة والمبدعة جداً Selena Ameed
ومين ما بيحب الوربات بالقشطة
احلى وربات بعجينتي
روووعة ما في كلام ..ايش رأيكم
لكل عشاق الوربات
المقادير
تلات كاسات طحين …تلات ملاعق تشا ..ملعقتين سكر كبار …تلات ملاعق حليب بودرة ..رشة ملح ….نصف كاسة زيت مازولا.. نشا لرق العجينة ..سمنه او زبدة للدهن بين الطبقات فيكي تستعملي سمنة مازولا كتير طيبة ….
الطريقة
بتخلطي النواشف مع بعض وبتضيفي الزيت وبتعجني العحينة بمي فاترة متل اي عجينة يمكن تحتاج معك كاسة ونص مي فاترة وحسب نوع الطحين
بتتركي العجينة ترتاح شي نص ساعة
بعدين بتقسميها نصين وبترشي عليهانشا وبتتركيها شوي وبترجعي تقسمي كل نص ل6قطع وهيك بيصير عندك 12 قطعة وبترشيهم بالنشا وبتتركيهم كمان نص ساعة
بعدين بترقي كل قطعة عجين ع شكل رغيف صغير بالشوبك وبتحطي الارغفة فوق بعض مع مراعاة انك ترشي نشا بين القطع وهيك بيصير عندك 12رغيف
وبهالمرحله بتدهني الصينية زبدة او سمنة مازولا وبتبلشي ترقي كل رغيف ع حدة بالشوبك وما ترشي طحين بس ترقيهم رشي نشا ليطلع عندك عجينة رقيقة نوعا ما وبتضلك تعملي هيك بكل الارغفة وبتدهني بين الطبقات زبدة اوسمنه لحتى تخلصي 6طبقات بس الطبقة اللي رح تكون القشطة فوقها لا تدهنيها زبدة
وبتفردي القشطة وبتبلشي بالطبقات ال6 الضايلات بنفس الطريقة بتعمليهم وبآخر طبقة ادهني فوقها زبدة وقطعيها قبل لا تدخليها الفرن ع حرارة180 من تحت بتحطي الشبك وفوقه صينيةالوربات
وبس تبلش تتحمر ع لون اشقر من تحت فيكي تشعلي الشواية ليتحمر الوش سوا وبس تخلصي بتكوني مجهزه قطر بارد وهي سخنةوبتزينيها بالمكسرات وصحة وهنا
طريقة القشطة
تلات كاسات مي مذوب فيهم حليب تلات ملاعق سكر.. 8ملاعق نشا بتدوبيهم وبتحطيهم عالغاز وبس يقرب يتقل حطي علبة قشطة ودوبيها منيح وبتشيليها لحتى تبرد بتستعمليها
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي