طريقة شوكلت موس كيك بالتفصيل وبكل الاسرار
طريقة شوكلت موس كيك بالتفصيل وبكل الاسرار
معكم صديقة زاكي المتألقة زينة الشام
في كل مساء أسأل الله ان تكونوا أسعد خلقه ?طبق الحلو اليوم ?شوكلت موس كيك ? حلو مميز وطعمته روعة ولذيذة وخاصة للمناسبات ان شاء الله يعجبكن والطريقة اكيد رح نزلها بالتعليقات ?? أعطوني رأيكن
شوكلت موس كيك
اول شي منحضر الكيك اي نوع بتعتمديه انا عملت هالطريقة وهي ثلاثة بيض وملعقة كبيرة فانيلا منخفقهن منيح
وبعدين منضيف كاسة سكر بالتدريج ليصير خليط كريمي منضيف كاسة زيت نباتي وكاسة حليب سائل
وبعدين مننخل كاستين طحين مع ملعقة بيكمبودر كبيرة وربع ملعقة صغيرة ملح ومنضيفهن عالخليط مع الخفق بالتدريج
وبعدين منضيف ثلاثة ملاعق كبيرة كاكاو سادة ومندهن قالب التشيز كيك سمنه ومنغلفه بالطحين
ومنسكب الخليط وعفرن ساخن بدرجة 180 وبس يستوي منطالعه ومنتركه يبرد نهائيا
بعدين بشيل من الوجه شوي من الكيك ليكون حجمه مثل الصور تقريبا لنص القالب
ومنحضر خليط شوكلت موس وهو عبارة عن:
مغلفين كريمه شانتيه بودرة مع نص كوب ماء بارد وثلاثة ملاعق سكر كبيرة ومنخفق الكريمة جيدا وبس تنفش نضع علبة قشطة مع نص كوب حليب بودرة وثلاثة مكعبات جبنة كيري او اي نوع بتحبيه يكون طيب
ومندوب شوكولا سادة بحمام مائي ومنضيف عخليط الكيك وثلاثة ملاعق كاكاو سادة ومنكون مدوبين ملعقتين جلي بنص كاسة شاي مي سخنه ومنتركها تبرد
وبعدين منضيفها عالخليط ومنسكب الخليط فوق طبقة الكيك ومنسوي الوجه ومندخله الثلاجه بيحتاج ثلاثة او اربع ساعات ليكون جاهز ان شالله يعجبكن جربوه مارح تندموا ..زينة الشام?
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي