كيك اسفنجي من مرحبا لغاية السلام عليكم

كيك اسفنجي ..
6 بيضات بحرارة الفرفه …كاس طحين +معلقتين طحين ..معلقة ممسوحه بيكنغ باودر …كاس سكر …

بنفصل البياض عن الصفار … بنخفق البياض حتى يصبح خليط جامد ..

بنزل السكر متل الخيط ..تقريبا نص الكاس بنضل نخفق حتى يذوب السكر …

.على جنب بنخفق صفار البيض ..مع معلقة صغيره فانيلا ..رشة ملح .. نص كاس سكر … “انا بحط معلقتين مي ساخنه بنزلهم على صفار متل الخيط اثناء الخفق ..هشاشه اكتر للكيكه .. طبعا اختياري””

.بنخل الطحين مرتين .. بناخد معلقة طحين ومعلقة بياض البيض ..تقليب بنقلبهم وهيك حتى تخلص الكميه ..بنبطن القالب بورق الزبده او بطحين وزيت ..

بندخل القالب الفرن .. الرف الوسط
180 درجة الحرارة

تقريبا بياخد نص ساعه … والف صحه وهنا ..

ملاحظه … بعد ساعتين قسمو الكيك طبقات .. حتى يبرد

كريمة ..
بنخفق ..كاس كريمه سائله …2 ظرف دريم ويب ..علبة قشطه..معلقتين حليب بودره ..بنضل نخفق حتى يتقل الخليط واخر شي بنحط 4 ملاعق كاكاو شوي شوي بنزلهم على الكريمه مع استمرار الخفق

وبنستعملها لحشي طبقات الكيكه ..بعد ماانقسمها ..ونشرب كل قطر خفيف .. 2 كاس سكر .. نع كاس ونص مي وعصرة ليمون

كريمة الزبده …
كاس ونص سكر بوده … ربع كاس طحين .. كاس ونص حليب سائل … 2 ملعقه صغيره فانيلا .. رشة ملح …3 ملاعق نشا الذره..340 غ زبده بحرارة الغرفه….

بالخلاط بنحط كل المكونات ماعادا الزبده بنخلطهم منيح وبنحطهم بطنجره حتى يغلو … بنرفع الطنجره عن الغاز وبنحط الخليط بالمصفايه ناعمه حتى مايكون اي تكتلات وبنحط الخليط بالتلاجه اقل شي ساعتين حتى تبرد منيح ولازم حتى تنجح لكريمه تكون الخلطه بارده…

بنجيب الزبده بنضل نخفق فيها حتى تصير على بياض وبنصير نزل شوي شوي من الخلطه ونخفق منيح حتى ماضل اي تكتلات… وبتستعمل على طول او بتحتفظو فيها بالتلاجه ليومين ..بتحشو الكيكه فيها بتزينو فيها رؤؤعه على شغل ..صحتين وهنا O