محشي كوسا و باذنجان, ولكن بحشوة مميزة شهية مقدمة من المبدعة في فن الطهي Salina Sham, ونلاحظ أسلوبها الفاتح للشهية في التقديم, وكما تقول أن هذه المرة الأولى لها في مشاركتنا لوصفتها المميزة هذه, ونتمنى أن تبقى معنا وتتحفنا بكل جديدها وأكلاتها الأكثر من مميزة, نتابع الان مع مبدعتنا هذه الوصفة الشهية.
المقادير:
كيلو كوسا
كيلو باذنجان
كاستين رز سنو وايت
بندورتين وسط
ملعقة ثوم مهروس كبيرة
بصلة كبيرة ناعمة
نعنع اخضر مفروم 3ملاعق كبيرة تقريبا
جرزة بقدونس كاملة مفرومة ناعمة
ملح حسب الرغبة
عصير ليمون 3تقريبا او حمض الليمون حسب ما تحبيه حامض تحطي
زيت زيتون تقريبا فنجان قهوة
الطريقة:
– تنقعي الرز قليلاً, وفي هذا الوقت تقلي البصلة بزيت مع الثوم بعد ما تدبل شوي تضيفي البندورة المفرومة ناعمة وترشيها شوية ملح وتخففي النار لتدبل شوي يعني شي ربع ساعة بعدين تحطي البقدونس والنعناع مع بعض وتقلبيهم وتطفي النار عليهم حتى يضلو خضر وتحطي عصير الليمون او حمض الليمون حسب الرغبة اوكي وبعد هل قصة كلها تغسلي الرز وتحطيه فوقهم وتحركيهم مع بعض والي تحب الحر تحط فلفل اسود شوي واحطي شوية زيت زيتون عليهم وتحشي الباذنحان او الكوسا وتصير لورق العنب اكيد.
– وبنهاية تغلي ماء وبس تغلي تحطي حمض وملح وملعقة صلصة طماطم هي حسب الرغبة انا حاطة وكتير طيبة طلعت والف صحة عقلب الجميع لو عملتوها خبروني اكلتو اصابعكم من كتر مو لذيذة ولا لأ ^-* ملاحظة لو ما في نعنع اخضر حطي يابس ناعم وميرسي كتير لو حبيتوها.
لمتابعة الوصفة على جروب “زاكي”:
محشي كوسا و باذنجان