كبة بتقرش قرش وبالخطوات المصورة
معكم صديقة زاكي المميزة ام ضياء

يسعد مساكم حبايبي
كبه طيبه وزاكيه وبتقرش

الطريقه للعجينه
كيلو برغل
نصف كيلو لحمه حمرا ما فيها دهن
وراس بصل
ملعقه كبيره ملح
ملعقه كبيره مردكوش
ملعقه صغيره كل من
فلفل اسمر وقرفه وكمون وفابركا حلوه
قشره ليمون تكون لونها اصفر

طريقه العمل
اولا نغسل البرغل جيدا ونصفي من الماء ونغطي ونتركه ربع ساعه حتى تفتح حباته ما نكثر ماء عليه يا دوب غمرته

نطحنه بالماكنه الكهربائيه او اليدويه الموجوده عندكم
نطحنه مرتين مع اضافه اللحمه والبهارات الي ذكرتها والبصله واذا احتجنا ماء نضيف خلال الطحن

نخلطه منيح حتى تصبح لديك عجينه طريه وملساء لا تلزق بالادين
بنكون محضرين الحشوه قبل لازم تكون بارده

مقادير الحشوه
كيلو لحمه مفرومه خشن
نصف كيلو بصل مفروم ناعم
ملعقه صغيره كل من
فلفل اسمر وقرفه وبهار
ملعقه كبيره سماك
وملعقه كبيره ملح وزيت زيتون

نقلبهم منيح ونقليهم حتى يستوو ونصفيهم بمصفاه ونتركهم حتى يبردو منيح
واذا بتحبو حطو صنوبر او لوز مقلي حسب الرغبه

انا هون مش كل اولادي بيحبو الصنوبر فعملت شكلين حتى يميزو انو فيه صنوبر وانولا
بنحط صحن فيه مي بارده مع قطع ثلج ونبلش نقطع العجينه حسب الحجم اللي بدك اياه وبطرف اصابعينا نكور الحبه ونحشيها باللحمه ونسكرها منيح مع بل الايد حتى نخلص الكميه

واذا بدنا نفرزها نصفها حبه حبه كما في الصوره ونحطها بالثلاجه حتى تجمد وبعدها بنحطها باكياس ونربطها منيح ووقت الحاجه بنطولها وعلى االقلي وهي مثلجه شرط انو يكون الزيت حامي

وصحتين والف عافيه حبايبي

اترك لنا رأيك بالوصفة في التعليقات ?, وشارك الوصفة مع أصدقائك ? لتحصل على المزيد من الوصفات المميزة ??? من زاكي ???

هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي