عشا لخطيبة ابني واهلها تعالوا تفرجوا شو عملت
عشا لخطيبة ابني واهلها تعالوا تفرجوا شو عملت
مساء الخير .معكن الادمن …Sahera Da عشا لخطيبة ابني واهلها …بمناسبة عيد ميلاد ابني الدكتور صهيب وعيد ميلاد خطيبته الحلوة لينا ..عقبال عند الاحبة ،.
الطريقة:
حضرت كبة مقلية وكبة لبنية وتبولة ويلنجي وشيخ المحشي بالكوسا وفخدة كمة باللحمة الشقف وفريكة وشويت فخد جللته عالفريكة والمكسرات .وسمبوسك ..
لح نزلكم طربقة تحضير الفريكة ..
والحلو كنافة مدلوقة وكاب كيك ..وكيك الخطيبين جاهز .
الطبق الأول:
فريكة كيلو غسلتها وصولتها وقليتها بالزبدة ..
فخد خاروف سلقته نص سلقة وشويته بالفرن …
مكسرات حمصتها بالزبدة .
كيلو بزاليا قلبته بالزبدة .
بعد استواء اللحمة اخدت ميتها ونزلتها على دفعات عالفريكة وهي عالنار ..
تركتها على نار هادية نص ساعة ..
حضرت البزاليا ونزلت نصه مع الفريكة والنص التاني زينت الفريكة فيه ..
سكبيت الفريكة بطبق التقديم ..
شويت الفخد ووضعته على الفريكة بطبق التقديم وزينته بالمكسرات .،. ..
اي سؤال تكرمو ..
======================
حلو شامي اسمها كنافة مدلوقة ..
طريقة الكنافة المدلوقة من عيوني
كنافة كيلو ونص ..
قطعتهم بايدي حتى صارو ناعمين ..
ضفت عليهم زبدة نص كيلو وفركتهم عالنار بصينية ربع ساعة ..ضفت عليهم كاسة قطر وتلت كاسات سكر وكاسة حليب وفركتهم عالنار ..
القطر والحليب منشان تطرى الكنافة لان الكنافة كتير رفيعه وناشفة مو متل تبع الشام .،عجنتهم حتى استوت الكنافة وصارت متل العجين …
مديتهم بطبق التقديم .
حضرت قشطة قيمر تلت علب كبار .فيكي تستعملي قشطة اي نوع
وفرطت كيلين حليب الحليب هو عم يغلي ضفت عليه معلقتين خل وغليتهم خمس دقائق .صفيتهم وضفتهم عالقشطة ..وسكبتهم عالكنافة ..
زينتهم بالفستق الحلبي ….
اي سؤال من عيوني ..
========================
كوسا صغيرة كيلين ..مغسولين ومحفورين .
لحمة مفرومة ناعمة ..مقلية مع رشة ملح وفلفل اسود ..فقط من دون زيت او سمن ،واحشيهم باللحمة المقلية ..ثم اسلقبهم بالماء عشر دقائق
حضري لبن رايب كيلين واخلطيهم بالخلاط مع بيضة ومعلقتين نشاومعلقة ملح .،واخلطيهم بالخلاط واغليهم عالنار مع الاستمرار بالتحريك المستمر حتى يغلي الحليب ..
نزلي الكوسا عليهم واغليهم ربع ساعة والف صحة وهنا .
=======================
طريقة الفخذة بالتفصيل:
طلعت كتير طيبة وطرية .تعلمت طبخها من لحام باكستاني ..
الفخد .جرحته ومن عند المفصل من الركبة شوي شقيته بالسكين .حتى ينتنى وينزل بالقدر ..غسلته وفورت عليه بالغار .وقرفه ..
غسلته مرة تانية .
وسلقته مع اضافة ورق غار وعود قرفة .
ساعتين على نار هادية ..بعدين ضفت ملح عليه وفلفل اسود رشة ..
طلع كانه مشوي بالفرن ..كتير طري الحمد لله رغم فخد وزنه خمسة كيلو ….
اذا بدك اشويه بالفرن بالفرن بعد السلق ..
ولكن برأيي لا تشويه …
========================
طريقة الكبة اللبنية بالتفصيل:
اللبنية ..نفس خلطة الكبه ولكن حشوتها لية وبصل وجوز ..وملح وفلفل اسود رشة حسب الرغبة الكمية ..
خلطة الكبة ..
برغل ناعم لكل كيلو برغل ناعم تلت ارباع اللحمة الهبرة .وملح وفلفل اسود وبصلة كبيرة .بتطحني البرغل واللحمة والبصلة دورين بماكينة اللحمة وبتضيفيملح وفلفل اسود .واعجنيها منيح واتركيها بالبراد خمس ساعات او قبل بيوم ..
تاني يوم عجنيها بايدك وقرصيها واخشيها بخلكة اللية والبصل والجوز ..
حضري لبن رايب وضيفي عليه بيضة ومعلقتين نشا واخلطيه بشكل جيد واغليه عالنار مع الاستمرار بالتحريك حتى يغلي اثقبي كل قرص ثقبين ونزليهم عاللبن مباشرة .
ولا تحركيهم هز هزي القدر .ليغلي ربع ساعة .والف صحة وهنا اي سؤال جاهزة …
=======================
الكبة المقلية نفس الطريقة ولكن الحشوة لحمة وبصل مقليين مع رشة ملخ وفلفل اسود .وتحمصي مكسرات .
===========================
عجينة سمبوسك .محشية لحمة وبصل ..ملخ وفلفل اسود ،ابني يلي حضرها ما ظبطها منيح شغل شبابي .
العجينه طحين ومي ومعلقة زيت ورشة ملح اربع كاسات طحين .،،..تحتاج كاستين ماء اعجنيهم وريحيهم ربع ساعة ….
وألف صحة وهنا على قلوبكم يارب :*
اترك لنا رأيك بالوصفة في التعليقات ?, وشارك الوصفة مع أصدقائك ? لتحصل على المزيد من الوصفات المميزة ??? من زاكي ???
هل تحب مشاهدة وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي