خليه النحل بعجينتي الخاصه بستعملها لكل المعجنات بضلها طريه لو ضلت اسبوع بالبراد
Ghalia Jamour
المقادير
تلات اكواب ونص طحين
بنضيف فوقو معلقتين سكر كبيره
. ملعقه صغيره مليانه بيكنج باودر
. رشه فانيلا.
ملعقتين لبن كبيره.
ثلث كوب زيت مازولا
ونفكرهم كلهم منيح. هلا بنجيب كوب منحط فيه
اربع معالق كبيره حليب باودر
ومعلقه سكر كبيره
.ومعلقه كبيره مليانه خميره
ونحركهم كلن بمي فاتره ونتركهم شي دقيقتين ونحطهم فوق الطحين ونعجن المكونات سوى ونبلش انضيف الها مي فاتره لحد ماتحصلو على عجينه لينه ونخمر العجين بمكان دافي. اهم شي تكون الخميره جديده ويفضل لو ظروف
بالنسبه لخليه النحل نفرد العجينه على رشه طحين وتكون سميكه شي سنتي ونحشيها منييح لانها بتستوعب ونسكرها ونكورها ونصفهم بالصينيه مدهونه زيت وتكون بينهم مسافه بسيطه ندهن الوجه قطر او بيضه مع شويه مي ونسكافيه. ونحمي الفرن ونحبزها عنار وسط لحد ماتتحمر وبعدين من فوق نحمرها.
الحشوه هون جبنه عكاوي محلايه شوي معها شيدر وبقدونس وحبه بركه وسمسم واي حشوه بتختاروها