كرات القرفه او كيكه السينابرتس بعجينتي تبع المعجنات بتشهيي
Ghalia Jamour
المقادير
تلات اكواب ونص طحين بنضيف فوقو
معلقتين سكر كبيره
. ملعقه صغيره مليانه بيكنج باودر
. رشه فانيلا.
ملعقتين لبن كبيره
. ثلث كوب زيت مازولا
ونفكرهم كلهم منيح. هلا بنجيب كوب منحط فيه
اربع معالق كبيره حليب باودر
ومعلقه سكر كبيره.
ومعلقه كبيره مليانه خميره
ونحركهم كلن بمي ونتركهم شي دقيقتين ونحطهم فوق الطحين ونعجن المكونات سوى ونبلش انضيف الها مي فاتره لحد ماتحصلو على عجينه لينه ونخمر العجين بمكان دافي. اهم شي تكون الخميره جديده ويفضل لو ظروف
بالنسبه لخليه النحل نفرد العجينه وتكون سميكه شي سنتي ونحشيها انا حشيتا هون جالاكسي ممكن نيوتيلا او اي نوع مكسرات ونسكرها ونلكها بزبده سايحه مخلوطه مع تلات معالق كبيره حليب سائل بعدين انغمسها بخليط مكون من معلقتين كبيره قرفه ومتلها سكر ومثلها كاكاو وانصفهم بصينيه جنب بعض ونخبزها بفرن حامي وبس تطلع انسقيها عطول بحليب نستله مخلوط باربع قطع كيري.
ووقت التقديم بنحطلها نيوتيلا واي صوص شوكولا وجوز حسب الرغبه