كيكة البسكوت البارده

كيكة البسكوت البارده
معكم صديقة زاكي الممميزة Shimaa Eldsoqy

كيكة البسكوت البارده
مقدرش اقول عنها حاجه اكتر من انها تجربه شيقه وطعمه ولذييييييذه ودمها خفيييف ???
هقول المقادير من الاول بس لو ملاقتش منكم تشجييييع هزعل جدااااا ?? وانا زعلي وحشششش ? اه بقولكوا من اولها ??
هتجيبي البسكوت الساده ياقمرايه وتبليه فلبن ساقع وترصي طبقتين فوق بعض وبعدين هتحطي في النص الحشوه بعدين طبقتين بسكوت تاني بعدين طبقة التغطيه وعالفريزر 4 ساعات وبعدها عالتلاجه وبالهنا والشفا
معقوووول ? خلصتي كده
? احب اقولكوا طبعا لا
دي مجموعه متنوعه من الحشوات وانت شكليها براحتك ياااااسكر
الحشوه رقم 1
هتجيبي 2كوب لبن وتحطي معاهم سكر وتحطيهم عالنار وبعدين تدوبي معلقتين كاستر كبار معاهم معلقة نشا فشوية ميه باردين وبعدين اول ماللبن يغلي توطي النار وتضيفي الكاستر والنشا وتقلبي بمضرب البيض دقيقه وتطفي وبعدين تحشي كيكة البسكوت في النص بكاستر وممكن تكسري معاه سوداني او شوكولاته وتحطيه كمان عالوش وتزيني بعدها بصوص كراميل جاهز من اللي بييجي مع الكريم كراميل
او تحشي اول طبقه كاستر واخر وش يبقى جيلي زي اخر صوره بتدوبي بكو الجيلي في كوب ونص ميه بدل 2 كوب عشان يمسك نفسه في التقطيع وفحالة انك هتحطي جيلي مفيش داعي تدخليها الفريزر عشان متعملش بللورات تلج
الحشوه رقم 2
انك تعملي حشوة كريمة الجبنه الوهميه وعباره عن 4 قطع جبنه مثلثات وربع كوب كريمه و4 معالق سكر وربع كوب لبن سااااااقع وكله يتضرب في الخلاط لو سايح شويه ممكن تزودي شويه كريمه واعملي حساب انه لسه هيمسك في التلاجه
والطبقه اللي فوق صوص شوكولاته هتجيبي معلقتين زبده على نار هاديه تدوبي فيهم 6 معالق سكر و4 معالق كاكاو وبعدين لغاية مايسخنوا مايتحرقوش وبعدين تنزلي باللبن سرسوب لغاية ماتوصلي للقوام اللي انت عايزاه وتدوبي كويس جدا لغاية مالسكر والكاكاو يدوبوا وتطفي النار وتحطي قطعة شوكولاته جالاكسي او ربع كوب شوكولاته خام قطع صغيره وقلبي هتدوب معاك وبرضه لما هتبرد القوام هيتقل معاك حطيها عالوش وزوقي الوش براحتك ياقمر