أول شي:
بنعمل القطر عبارة عن كاسة سكر و نص كاسة مي و معلقة مي ورد و عصرة ليمون
طريقة القطر/ بنخليهم يغلو و نتركو يبرد.
تاني شي:
نعمل البسبوسة ومن ثمة نجهز أنفسنا لنعمل طبقة القشطة
المقادير للبسبوسة :
تلات بيضات و كاسة زيت بالخلاط بنخلطهم منيح و بنضيف معلقة فانيلا و علبة زبادي صغيرة (نصف كوب=علبة زبادي صغيرة) و كاسة سكر و بنخلطهم منيح بالخلاط و بنضيفهم على كاسة سميد ناعم و معلقة صغيرة بيكنج باودر.
نتركها ترتاح و تختمر و نروح نعمل طبقة القشطة.
المقادير للقشطة :
كاستين حليب سائل و معلقتين طحين و معلقتين نشا نخليهم يغلو عالنار مع التحريك المستمر مشان ما يتكتل و لما يغلي بنطفي النار و نضيف علبة قشطة و نحركها منيح لتتجانس و نخليها تبرد.
التحضير:
– بنشغل الفرن و بنجيب قالب تشيز كيك ندهنو زيت و نرشو طحين و نحط نص كمية خليط البسبوسة و نخبزها بالفرن من تحت لحتى نشوف الجوانب استوت و بنطالعها.
– الان نضع القشطة كلها و بنساوي سطحها منيح مشان يطلع شكلها مرتب و نحط باقي خليط البسبوسة و نخبزها بالفرن من فوق بس ليتحمر الوجه و بنطلعها و نسكب عليها القطر يكون بارد و هيه حارة.
بنزينها على ذوقنا و صحة و هنا.
لمتابعة الوصفة على جروب “زاكي”:
بسبوسة بالقشطة بطريقة سهلة كتير