لحم بالعجين على الطريقة السورية التراثية
معكم صديقة زاكي السورية الشيف المميزة
Jasmin Hasn
العجينة
كاسة حليب دافية وكاسة لبن ونص كاسة زيت نباتي وملعقة صغيرة بيكنغ وملعقة كبيرة خميرة وملعقتين صغار سكر نخلطن مع بعض ونضيف عليهن 4 اكواب طحين والكوب الخامس بالتدريج (عالاغلب ما يستخدم كله)
نعجنها منيح ونتركها بمكان دافي مغطاية لتختمر تقريبا ساعة وبعدها بنشكل العجينة كرات ونغطيها 5د وبعدها نمدها ونحط الحشوة وللفرن باعلى درجة حرارة واول ما نطلعها بنغطيها لتضل طرية
الحشوة
3 حبات بندورة و3 حبات بصل وحبتين فليفلة خضرا وكاسة زيت زيتون(ما حطيتا كلها) و3 معالق عصير ليمون ومعلقتين دبس رمان ومعلقة كبيرة بابريكا ومعلقة صغيرة قرفة ومعلقة كبيرة ملح ومعلقة كبيرة نعنع يابس ومعلقة صغيرة كمون وبقدونس فريش نخلطهن بالمحضرة منيح ونضيف عليهم لحمة ناعمة 400غ