فتة المكدوس على الطريقة السورية الأصلية
يسعد ايامكم يا رب..
وهي وصفتي لفتة المكدوس ..رووووعه..
معكم صديقة زاكي المميزة Salwa Ayam
الطريقة:
منجيب حبة بتنجان كبيرة منقطعها مربعات بحجم عقدة الاصبع وتقلى جيدا وبعدها منجيب 3 ارغفة خبز ابيض عربي عادي ومنقصهم مربعات بنفس الحجم وكمان منقليهم ومنحطهم فورا بصحن التقديم الخبز المقلي وفوقيه الباتنجان المقلي كمان وبنضيف عليهم رشة ملح ورشه سماق وبرش حبتين بندورة ومعلقتين دبس رمان او بدون حسب الرغبه..وهلىء منضيف عالوش الصوص وهو 2 كأس لبن رايب مع نص كاس طحينه و4 سنان ثوم مهروسين ورشة ملح منخلطهم منيح وعالوش وتزين بالبقدونس واللوز وتترك بالثلاجه لحين التقديم وصحتين..