ورق عنب بالزيت بطعم مميز والطريقة بالتفصيل
معكم صديقة زاكي المميزة الشيف SAMAR CHAHINE
المقادير
- كيلو ورق عنب
- ضمة بقدونس كبيره
- حبتين بندوره متوسطه
- بصله كبيره
- كم عرق نعناع اخضر
- 2 كوب رز مصري
- حبة بطاطا
- حبة جزر
- 2 حامض ليمون
- بهار اسمر
- ملح
- ربع كوب زيت زيتون
الخطوات
اولا شي بدنا نختار طنجره تكون ع حجم الورق العنب اللي بدنا نلفو يعني ما يكون حجما كبير كتير
ازا استعملتو مرتبان مكبوس بنغسلو وبنصفيه اما اذا تازه بنغلي مي وبنسقط ورق العنب في وبنتركو يغلي شي 5 دقايق بنشيلو من المي وبنصفيه وقتا يبرد بنشتغل فين
بنقطع الجزر و البطاطا دوائر وبنصفن بالطنجره وبنرش عليهن ملح وفلفل وبنتركن بعدين بنشتغل بفرم الخضرا فرم ناعم بنخلط معن الملح والبهار والحامض والزيت منيح بعدين بنحط الرز اكيد الرز بكون مغسول كتير منيح بس مش منقوع و بنخلط ع مهلنا كرمال ما نكسر الرز
ليطلع ورق العنب بحجم واحد بنحدد كميه الحشوه بملعقه اخترتي معلقه زغيري بتعتمديها للحشوه بعد منصف ورق العنب بالطنجره فوق الجزر و البطاطا المرء اللي نزل من الحشوه بنضيفو بالطنجره و بنزير مي وبنتركن شوي لنتاكد انو وصل ع قاع الطنجره ازا احتاجت مي بنزير لازم المي تغمرن ع الاخر بنترك 4/5 وراق فاضيين هول بنحط اخر شي مفرودين بنختار غطا طنجره ازغر من الاساسي بنغطي في الطنجره اول ميغلو بنوطي الغاز ع الاخر بعد ساعة بنشيل الغطاء الصغير وبنغطي الطنجره بغطاها الاساسي بياخد بين ساعة ونص وساعات ليستوي وبتقدمو متل ما بتحبوا
طولت عليكن ان شاء الله تستفيدو ?