المقادير للكيك:
٦بيض
معلقه كبيره فانيلا
معلقه كبيره عصير ليمون
معلقه خل ابيض
كوبين سكر
ثلاثة اكواب طحين
معلقه بيكنج باودر كبيره
اربع ملاعق كبيره بودره حليب
ملعقتين لبن (لبن يعني زبادي باللهجة المصرية)
كوب زيت مازولا
ملعقتين كاكاو
الطريقة للكيك:
– نضع ٦بيض نخفقهم منيح مع معلقه كبيره فانيلا,ومعلقه كبيره عصير ليمون, ومعلقه خل ابيض.
– وبعد ذلك بنضيف كوبين سكر ونخفق عشر دقائق.
– نضيف تلات اكواب طحين منخولين مع معلقه بيكنج باودر كبيره.
– بعدين كاسه نحط فيها اربع معلق كبيره بودره حليب و ملاعقتين لبن ونخلطهم بمي ليكمل الكاسه.
– واخر شي كوب زيت مازولا ونخلطهم شوي ونطفي الخلاط.
طريقة التزيين:
– عندما يبرد الكيك اقسميه بالنص وسقيه بعصير او حليب ونسكافيه او اي طعم بتحبيه.
– واحشيه اي نوع كريمه بتحبيه والطبقه العلويه للكيك اقسمي منها بالنص بالشكل يلي بدك ياه ورجعي الكيك فوق الكريمه, هلا بصير في فراغ بالنص.
– اول شي ندهن وجه الكيك بالكريمه التاليه:
ظرفين دريم ويب, علبه قشطه, فنجان قهوه سكر, فنجان قهوه حليب, واربعه كيري, ارفعي من الخليط اربع معالق معلقتين حطيلها كاكاو ليصير بني فاتح والمعلقتين الباقيين للكريمه حطيلها كاكاو أكثر ليصير اغمق.
– ادهني وش الكيك بالكريمه وبلشي بالمعلقه حطي دوائر من الكريمه يلي فيها الكاكاو الفتح وبعدين بكيس نايلون ضعي الكريمه يلي فيها الكاكاو بالدرجه الاغمق واثقبيه وبلشي حددي فيها الدوائر الفاتحه, مجرد ماشفتو الصوره رح تفهمو الوصف.
– بنجي للحفره حطي بقلبها صوص شوكولا نيوتيلا او اي نوع وبلشي حطي فيها اصابع شوكولا او بسكوت بالاخر ملي الحفره بسمارتيز او اي نوع حلوى متوفر عندك, وصحة وألف هنا على قلبكم.
لمتابعة الوصفة على جروب “زاكي”:
طريقة تزيين كيك سهلة وبسيطة للمبتدئين