Creamy mashroom sauce…
انا بعملها بالبيت وبحب طعمتها….شو بتحطو اختيارات ع سندويشاتكم البرغر ??????؟
معكم صديقة زاكي الفنانة Ruaa Jamal Banat
المقادير:
علبة فطر مقطع او يستعمل فطر طازج مقطع
كوبين وربع مي سخنة مدوب فيها مكعب ماجي
ملح
معلقتين كبار طحين
فلفل اسود حسب الرغبة
ربع قالب زبدة صغير مايعادل 25 غ
معلقة كبيرةجبنة دهن سائلة
ربع كوب كريمة طبخ
جبنة شرائح
بصل شرائح
برغر
خبز
مكونات اختيارية( مايونيز؛ مخلل )
الطريقة:
بالمقلاة الجريل ع النار بحط معلقة كبيرة زيت نباتي بنقلب قطع البرغر لحتى يستوا وبرفع البرغر ع جنب…بنفس المقلاية بقلب دوائر البصل حتى تاخد طعمة البرغر وتدبل وبرفعها عن المقلاية…وبقلب وجهين خبزة البرغر بنفس القلاية…
بقلاية تانية بحط ربع قالب الزبدة مع معلقة صغيرة زيت نباتي حتى ما تحترق الزبدة بضيف الها علبة المشروم المقطع حتى ياخد طعم الزبدة وبرش عليه معلقتين الطحين وكوبين وربع مي سخنة مدوب فيهم مكعب ماجي وبقلبهم وبضيف الملح والفلفل الاسود حسب الرغبة وكريمة الطبخ ومعلقة جبنة الدهن وبتركها تتسبك ع نار هادية ما بتاخد وقت كتير …
بصحن التقديم بحط قطعة الخبز وبدهنها مايونيز وفوقها البرغر وشريحة الجبنة المخصصة لسندويشات البرغر وفوقها البصل المدبل وصوص المشروم….وصحة وألف هنا