الأوزي السوري بطريقة مميزة وكأنه على الحطب

الطريقة:
بنقع الدجاج قبل بيوم بالليمون والثوم المدقوق, واللبن ( يعني الزبادي) ورب البندورة وبهارات الكاري وفلفل أسود وهيل وقرفة مطحونين وكزبرة ناشفة بتركو بالثلاجة لثاني يوم مغطى.
البازيلاء والجزر بحوسهن مع راس بصل وسن ثوم وكعب ماجي وشوية بهار مشكل وبحطهم على جنب

الرز بنقعوو قبل بأكم ساعة, بعدين بسلقو نص سلقة مثل ما بنسلق المعكرونة, بغلي ماء وبحط فيها زرق الغار والهيل الصحيح وشوية زيت وبسلقو حتى تتفتح حبة الأرز, وتصير بيضة يعني مدة السلق تقريباً 7 دقائق

بعدين بصفي الأرز بمصافيه وطبعاً هون سر الطبخة لازم نبهر الأرز كاري وهيل وكزبرة وفلفل وملح وماجي بودرة ( أو بهارات المفضلة)

بعدين بجيب طنجرة كبيرة وبلبسها من جواتها بالقصدير على شكل الطنجرة وبخلي طالع من برات الطنجرة, عشان أرجع أغطي فيه

وبحط الدجاج بالقاع وفوقه البازيلاء والجزر, بعدين الأرز, بعدين بولع فحمه وبحطها بفنجان زيت زيتون ( خطوة الفحمة مو ضرورية) وبسكر القصدير وبحط غطا الطنجرة, وعلى نار عالية في الاول أول 5 دقائق, ثم على نرك واااااااااااااطي لمدة ساعتين على الهادي وصحتين وألف عافية.