الكبسة الإيرانية الطعم فخامة وما بتكرر

اضافة الزبيب مع الزرشك او الزبيب لوحده مع رشة مي ورد بيطلع بيجنن … وبإضافة السكر فقط مو كراميل …
طبق ملوكي ✌✌ الكبسة الايرانية
المكونات:
دجاجة مقطعة نصفين منضفة بملح وخل وزيت زيتون وليمون
2 حبة بندورة مقطعة
2 بصلة كبيرة شرائح
2 جزرة مبشورة
زيت
4 كوب رز ابسمتي منقوع
ملح
معلقة كركم صغيرة
معلقة سكر كبيرة
معلقتين صفار الزعفران
معلقتين صغار ماء ورد
معلقة كبيرة كزبرة ناشفة
معلقة كبيرة هيل مطحون
هيل حب
قرفة عيدان
معلقة كبيرة كمون
معلقة كبيرة بهار الدجاج او بهار برياني
معلقة كبيرة بابريكا
معلقة صغيرة فلفل ابيض
معلقة كبيرة قرفة ناعمة
4 كوب مي ساخن للدجاج
زرشك ( رمان ايراني مجفف) يستعاض عنه بزبيب منقوع لمدة 10 دقايق بماء ساخن ومحمص ع النار بمعلقة زبدة صغيرة ورشة مي ورد ورشة زعفران

الطريقة :
بالطنجرة بحط الزيت وبقلي البصل الشرائح وبس يتحمر يشوي بضيفله الجزر وبضيف مكعبين الماجي وبقليهم سوا وبضيف قطعتين الدجاج وحتى ياخدو لون وبعدها بضيف الفلفل الابيض والقرفة الناعمة وبهار الدجاج والهيل المطحون والبابريكا والكمون والكزبرة الناشفة والهيل الحب وبتركهم يتتجانسوا النكهات وبضيف المي المغلية و وبقلبهم وبخليها تغلي اول غلوة وبضيف البندورة المقطعه وبحركها وبضيف السكر والكركم وصفار الزعفران وبعدها بوطي عليها ليستوي الدجاج وبضيف الزرشك او الزبيب حسب ما هو متوافر ….
بسلق الرز بالطريقة المعتادة بمي سخنة وهيل وقرفة عيدان وملح…
بس يستوي الدجاج برفع القطع وبتكون الخلطة نشفت ميتها تقريبا وبضيف الرز عليها وبرش عليها ماي الورد وصفار الزعفران..وبتركها تقريبا 5 دقايق تتاخد كل النكهة…
بجهز خلطة التحمير من 2 معلقة كاتشاب ومعلقة كبيرة صويا صوص ومعلقة زيت زيتون ونص معلقة فلغل أسود ومعلقة صغيرة عصير ليمون ومعلقة كبيرة باربكيو صوص ..بدهن قطع الدجاج وبحمرهم …