الخطوات

طريقة عمل الگيمر الاصلي..

ياجماعه اكيد اكو اكثر من طريقه.بس

هذه طريقه سهله بس تاخذ شويه وگت.

وطبعآ الطريقه بدون اي اضافات.

گيمر خالص 100/100.

اول شي لازم حليب جاموس اهم شي تتاكدين انو مومغشوش..

وغير حليب مايصير اذا بنفس هذه

الطريقه مايطلع نفس النتيجه..

3كيلوات خليتهم علنار بدست عميق

وعفته لحد ما غله طبعآ ممديت ايدي عليه ولا درتو.اول من ظهرت عليه الفقاعات مال الغلي ونصيت النار علهادئ وعفته ربع

ساعه هوا يغلي علنار الهادئه.بعدين

اطفي النار واتركه لحد مايبرد وابد مااحركه.بس اغطي بتولايه او صافويه(خامايه خفيفه او شاش)

اهم شي يكون يدخل عليه شوية هوا.

وبعدين من برد تمامآ غطيته بلنايلون

الخاص بلأغذيه.ودخلته الثلاجه خليتو لمدة يوم واحد.وبعدها بسكينه قطعتو مثل الشرائط وشلتو خليتو بصحن ومجرد

بس لفيتو بهداوه..صار بهل شكل.

((طبعآ اشكد كميةالحليب اكثر يطلع الكيمر اثخن))

عااااااشت ايدي..وسام الحيالي