الخطوات

بقلاوه.طعم ولا اروع

العجينه..3اكواب ونص طحين.

كوب ونص ماي دافئ.بيضه حجم كبير.معلقتين اكل.زيت.او معلقه واحده طحينيه(انا ستخدمت زيت حسب الرغبه).معلقةكوب شكر.رشةملح.

3اكواب نشا.

(الحشوه).جوز مكسر ناعم بس مو مطحون.شيره بارده(كوبين شكر وكوب ماي ونص معلقه صغيره حامض و4فصوص هيل))

خلطت الجوز هيل مطحون وضفت شوية شيره حتى يتلاصق الجوز.

قالب ونص زبد سايح.

طريقة العجينه..اول شي تخلطين المواد مع بعضها وبعدين تضيفين الماي بالتدريج واعجنيها جيد جدآ لحد ماتصبح عجينه مطاطيه وقوامها تقريبآ ليين.تعوفيها ترتاح نص ساعه.طبعآ حتصير عجينه تلتصق بالايد.تذرين كميةنشا و تقطعيها

12قطعه وتفجيها بالشيبك عادي وتخلين بين قعطه وقعه كميه وفيره من النشا.بعدين بالنشابه(شوبك خاص بالبقلاوه)تفجين القطع مع بعضها وتذرين نشا حتى ماتلتصق القطع مع بعضها وبعدين تشيلين قطعه قطعه وتفجيها رقيقه جدا لحد مايصير شكلها قرص دائري كبير.وطبعآ مراح تتشقق لأن بيها نشا.وتقصيها بقياس الصينه الدتشويها بيها.انا عملت صينيه صغيره وقطعت القرص وخليت شي فوق شي طلع عندي تقريبآ46قطعه بحجم صينيه صغيره..بعدين خليت بالاسفل26قطعه دهنت كل قطعه بالزبد.وخليت الحشوه وبعدين خليت فوهم20قطعه وهم دهنتهم قطعه قطعه بالزبد.وقصيت البقلاوه قبل لاادخلها الفرن.وصبيت كوب زبد ذايب فوقها ودخلتها فرن حامي بدرجة حراره190لمدة15دقيقه او حسب الفرن.ومن استوت طلعتها من الفرن ميلتها وشلت الزبد الزايد ومباشرتآ صبيت فوقها الشيره البارده.

عاشت ايدي. وسام الحيالي