الخطوات

كيكة قدرة قادر

ياجماعه كثير من البنات يستصعبون شغل هذه الوصفه.بس بصراحه هيا جدآ جدآ سهله.بس تاخذ شويةوقت.كالعاده حنزل الطريقه والمقادير بالتفصيل.

قبل كلشي تشغلين الفرن بدرجةحراره 170

الطبقه الاولى.

نص كوب سكر(تخلينو عالنار وتقلبينو لحد مايصير سائل كراميل).تخلينو بقالب.هوا حيجمد بالقالب.بعدين تدهنين حواف القالب بالزبد..

الطبقه الثانيه..

3بيضات.شوية فانيلا.

وثلاث ارباع الكوب ماءدافئ

وكوب ونص حليب باودر

نص كوب سكر.

خفقيهم بالخفاقه لحد مايصير خليط كريمي.هذه الخلطه تصبيها فوق الكراميل.

الطبقه الثالثه(خليط الكيك)..

بيضتين

نص كوب سكر

نص كوب زيت

نص كوب عصير برتقال.اوحليب.حسب الذوق.

كوب وربع طحين وربع كوب كاكاو باودر ومعلقه كبيره بيكنك باودر.طبعآ الطحين والكاكاو والبيكنك باودر مخلوطين ومنخولين.

تخفقين البيض والشكر لحد مايذوب الشكر بعدين تضيفين العصير والطحين كلهم بالخفاقه.وتضيفين هذه الخلطه بشكل

دائري فوق الطبقه الثانيه.

بعدين تحضرين صينيه او تبسه بيها عمق وتخلين بيها ماي مغلي وتخلين القالب ابطنها.ودخليها الفرن.لمدةساعه.

ومن تستوي طلعيها وعوفيها شويا تبرد.ودخليها الثلاجه لمدة3ساعات.وبعد ال3ساعات خليي

بصينيه ماي مغلي وحطي القالب ابطنها دقيقتين وبالسكينه مشيها عالحواف حتى لاتكون ملتصقه واقلبيها.

الطعم رهييييب حيل طيبه.

عاشت ايدي،وسام الحيالي