الكبة من أشهى أنواع المقبلات التي تشتهر فيها المائدة السورية والبنانية بشكل خاص, والتي سرعان ماانتشرت في كل العالم العربي, ولا يكاد يخلو مطعم من عرض أنواع الكبة المختلفة, فاليوم تعطينا الوصفة المبدعة في فن الطهي ام ياسر الحلو نتابع معها طريقة الكبة, وكذلك طريقة مميزة لتكبيب الكبة باستخدام الجزرة!
المقادير للكبة:
كيلو برغل
نص كيلو لحمة حمرا
حبتين بطاطا مسلوقين
بصلة صغيرة
ملح
فلفل اسود
رشة قرفة او هيل مطحون (هيل يعني حب هال)
كمون
المقادير للحشوة:
بصل مفروم
لحمة مفرومة
ملح مع البهارات اللي بتحبيها
لوز محمص او صنوبر او فستق
الطريقة:
-نجهز الحشوة في البداية, في مقلاة على النار, نضع القليل من الزيت ثم نضع البصل ونتركه يذبل قليلا ثم نضع اللحمة مع الملح والبهارات, ونظل نقلب المزيج حتى يتغير لون اللحمة من اللون الأحمر إلى اللون البني الذي يدل على استوائها, بعد ذلك نطفئ النار, ونضع المكسرات على الوجه ونحرك الحشوة معاً.
-الخطوة الثانية, أن نبدأ بتحضير خليط الكبة, نضغ كيلو برغل مع نص كيلو لحمة حمرا وحبتين بطاطا مسلوقين معاً ومن ثم فرمتهم بماكينة اللحمة ومعهم بصلة صغيرة وملح وفلفل اسود ورشة قرفة او هال منشان زنخة اللحمة وكمون وطبعا بطحنهم ثلاث مرات.
– ثم نأخذ المزيج وبعجنهم منيح وبقطعهم دوائر وببدا اعملهم بالجزرة وبحشيهم باللحمة اللي بكون محضرتها مسبقا اللي هيه بصل مفروم مع لحمة مفرومة والبهارات اللي بتحبيها ولوز محمص او صنوبر او فستق حسب الموجود عندك واهم شي تضل ايدك مبلولة وكل شوي غطسيها بالمي حتى تضل العجينة طرية بايدك وسهل اتسكريها.
– وبعدها بقليها بزيت غزير وحامي او بتحطيها بلبن وهيه نيه بدون قلي وصحة وعافية.
لمتابعة الوصفة على جروب “زاكي”:
كيف تكبب الكبة باستخدام الجزرة؟