أطيب معجنات ممكن تعملها ادخلو ياشلة الأنس

أطيب معجنات ممكن تعملها ادخلو ياشلة الأنس
معكم صديقة زاكي المميزة الشيف Lina Arar

العجينة : بنحرك 2 كوب طحين مع ربع كوب سكر و 3 معالق كبار حليب بودرة ومعلقة ونص خميرة وكاستين ماء دافئ بنحركهم لحتى يمتزجوا سوا بعدها بنضيف 3 كوب طحين مع نص كاسة زيت نباتي وبنعجنهم منيح اذا حسينا انها لسه ناشفة بنحط رشة زيت حسب نوع الطحين ( تقريبا نفس عجينة العشر دقايق بس انا خليتها تخمر ساعة فاكثر )

العجينة بتعمل مقدار كبير او صينيتين صغار دائريات

بنفرد العجينة وبنقطعها دوائر صغيرة بحجم فنجان القهوة بندهن كل دائرة بزبدة طرية مش مذابة وبنخلط سكر مع قرفة وبنحركهم بصحن وبنحطهم فوق الزبدة المذابة وبنكون داقين جوز ناعم جدا بنحط رشة خفيفة بنطبق الدائرة بهالشكل وبنضغط عليهم من النص بحيث يكون الجزء المسكر تحت والمفتوح من فوق وبنكمل بهالشكل بهالشكل لتتملى الصينية دهنت الوجه ببياض بيضة مخفقوق مع شوية فانيلا وع الفرن عاخفض درجة حرارة من تحت بالبداية لحتى تستوي وبعدها من فوق وبنزينها بالصوص الابيض والجوز المحمص الصوص الابيض : علبة حليب مكثف ومحلى مع 3 معالق قشطة و2 حبة كيري بنخفقهم منيح

الجوز بنقطعوا وبنحطوا بمقلاة ناشفة وبنحركوا لحتى شوي يتغمق لونوا بيعطي طعم مميز