ساندويش بخبز التوست
معكم صديقة زاكي المميزة الشيف Lina Arar
الطريقة:
نضع قطعتين توست فوق بعض بعد ان نقص الاطراف ونفردها بالفرادة ( فرادة العجين ) وبنقطعهم بقطاعة دائرية الشكل وبنغمسهم بصحن محطوط فيه ( بيضتين مخفوقات مع رشة فلفل اسمر وريحان او اوريغانو ) بعدها بنغطها بالقسماط او بالزعتر حسب الرغبة وبنقليهم لحتى يصير اللون عشقار وبنقسمهم من النص وبنحشيهم حسب الرغبة انا حشيتهم حشوة الدجاج.
طريقة حشوة الدجاج : بنشوح بصلة مع سنين ثومو لحتى يتذبلوا بعدها بنقطع صدرين دجاج مربعات صغيرة وبنحط عليهم ملح وفلفل اسمر وبابريكا وريحان ناشف وبصل بودرة وثوم بودرة بعدها بنحط فليفلة حلوة مقطعة مربعات صغيرة وبنتركهم لحتى يتذبلوا وبعدها بنحط معلقة كاتشب ك و2 م ك صويا صوص وبنحركهم منيح وصحة ومية هنا
