المعكرونة بالبشاميل

المعكرونة بالبشاميل
معكم صديقة زاكي المميزة الشيف Lina Arar

الطريقة: نسلق بكيت معكرونة الشكل المفضل وبنحط عليه رشة زيت نباتي وملح حتى ينسلق من عشر دقايق لربع ساعة

خليط اللحم : بنشوح بصلة مفرومة ناعم مع 3 سنون ثوم مهروس حتى يتذبلوا بعدها بنحط نص كيلو لحم مفروم حتى تستوي بنرش بابريكا وبهار مشكل وملح وفلفل اسود ورشة ريحان ناشف ومربع ماجي وعلبة رب البندورة ومقدار فنجان قهوة ماء وبنغطي عليهم عشر دقايق.

خليط البشاميل : ع النار ثلاث ارباع اصبع زبدة ( 100غ ) مع ربع كوب طحين بنحركهم منيح لحتى يختفي الطحين بنحط مربع ماجي ورشة فلفل اسود و4 كاسات كبيرة حليب وبنحرك منيح وبنستمر بالتحريك حتى ما يتكتل لما يغلي حيثقل الخليط بنطفي الغاز

بنحط مسحة بشاميل بصينية الفرن بعدين نص كمية المعكرونة وبنخلطهم سوا وبنوزعهم بحيث يتوزعوا ويغطوا الجوانب بعدين خليط اللحمة بعدها الباقي من المعكرونة وبنسكب كل خليط البشاميل الباقي بنحط ع الوجه موزريلا وبنحطوا بالفرن من تحت خمس او عشر دقايق ليسخن الخليط من تحت وبعدها بنحطها من فوق فقط لما يتحمر ويوخذ اللون وصحة ومية هنا