بيتزا بالدجاج محشوة الاطراف جبنة ونقانق

بيتزا بالدجاج محشوة الاطراف جبنة ونقانق
#بيتزا_الدجاج محشوة الاطراف ( جبنة ونقانق )
معكم صديقة زاكي المميزة الشيف Lina Arar

ش بنحرك 2 كوب طحين مع ربع كوب سكر و 3 معالق كبار حليب بودرة ومعلقة ونص خميرة وكاستين ماء دافئ بنحركهم لحتى يمتزجوا سوا بعدها بنضيف 3 كوب طحين مع نص كاسة زيت نباتي ( تقريبا نفس عجينة العشر دقايق بس انا خليتها تخمر ساعة فاكثر )

الدجاج : بنقطع 2 صدر دجاج خالي من العظم وبنغسلوا بالخل وبنغلفوا بالكاتشب والنشا ، بمقلاة بنسخن زيت وبنحط عليه الدجاج المقطع وبنحرك حتى يبلش يستوي بنحط ملح ، فلفل اسود ، بابريكا ، رشة ريحان او بهارات ايطالية وبنستمر بالتحريك لحتى تستوي وبنصفيها من الزيت.

صوص البيتزا : صوص جاهز مع اضافة 1 م ك رب البندورة وريحان ناشف

بنفرد العجينة بصينية مدهونة زيت ورشة سميد وبنحشي اطرافها ( جبنة او نقانق ) حسب الرغبة وبنسكر الجوانب منيح بنحط صوص البيتزا بعدها الخضار ( بندورة وبصل وفليفلة ) ثم رشة موزريلا ثم ( نقانق وفطر وزيتون اسود والدجاج ) وع الوجه بنحط ببرونة اذا متوفر

بنحطها بفرن محمى مسبقا من تحت عاخفض درجة حرارة لحتى تستوي من تحت ( بنرفعها برفق بطرف شوكة لنتأكد من انو العجينة من تحت جهزت ) وبعدها بنطفي من تحت وبنشغل من فوق وصحة ومية هنا