أنجح وصفة على الاطلاق لعمل كب كيك البرتقال مع الشيف نور
أنجح وصفة على الاطلاق لعمل كب كيك البرتقال مع الشيف نور
كب كيك بنكهة البرتقال والفريز
مرحبا أصدقائي في شلة الانس معكم صديقة زاكي المميزة الشيف نور طعمه
هش وطري جداا
فيكن تعتبروها وصفة أساسية للكب كيك مع إضافة أي نكهة حسب الرغبة
ممكن تعملوها بدون زيت للدايت
كب كيك بالبرتقال والفريز
المقادير
كوب وتلات رباع طحين
معلقة كبيرة بيكنج بودر
رشة ملح
4 بيضات بحرارة الغرفة
ربع كوب حليب سائل
ملعقة صغيرة خل ابيض
برش برتقالة أو ليمونة
1 كوب سكر عادي
تلت كوب زيت نباتي (إضافة )حسب الرغبة
الوصفة اﻷصلية بدون زيت
ملعقة صغيرة فانيليا
أو ظرف فانيليا بودرة
ألوان طعام
نكهات من روح البرتقال وروح الفريز أو حسب الرغبة
الطريقة
نخفق البيض مع السكر والخل والفانيلا وبرش الليمون منيح حتى يصير كريمي ابيض
بنضيف الزيت ونخفق منيح
بننخل الطحين مع رشة الملح والبيكنج بودر
بنضيفهن بالتدريج لخليط البيض ونخفق
بنضيف الحليب وبنخفق شوي
بنقسم الخليط لقسمين
بنضيف لقسم لون برتقالي ونكهة برتقال
والقسم التاني لون أحمر ونكهة فريز ونخلط
بنوزع شوي من خليط البرتقال وفوقها على جنب من خليط الفريز
بنكون مسخنين الفرن من اﻷول على حرارة 180 أو 200 من فوق وتحت بالرف الوسط
بندخل القوالب بتاخد من 10 د لربع ساعة حسب فرنك
بس مضى 10 د بنعمل اختبار بعود اسنان خشبي اذا طلع نضيف بكون استوى
بنطلعه على شبك معدني حتى يبرد تماما بعدين بنزينه حسب الرغبة
ا و بنقدمه سادة
كتير طيب وهش وطري جدا
نور طعمة
