دجاج تركي على أصوله لأحلى شلة أنس في الكون
يا هلا بكل أعضاء وعضوات شلة الانس, معكم صديقة زاكي الشيف ريحانة الجنة
بالخلاط بحط معلقتين كبار دبس بندوره وسنتين توم وكاسة شاي زيت زيتون وكاسة شاي مي ومكعب ماجي وشويت ملح ومعلقه صغير مو مليانه قرفه ومتلا هال وجوزت الطيب وفلفل ابيض وكاري ومنخلطن بالخلاط مناخد منن شوي ومنتبل فين الدجاج مننقعو حوالي ساعتين وبعدين عالفرن بدون مانغطي بشي
وبس استوى الدجاج مندهن الخبز بالصوص يلي زاد عنا منحطو تحت الدجاج ومنرجعو عالفرن شي دقيتين وصحتين
المايونيز
فنجان صغير رز
حبة بطاطا منغسل الرز ومنحطو عالنار مع كاستين مي ومنقشر البطاطا ومنقطعا قطع صغيره ومنضيفا فوق الرز ومنخلين ينسلقو مع بعض بس استو منطفي تحتن ومنخلين ليبردو بعدين منحطن بالخلاط منضيف معن كم سنة توم ونص كاسة زيت وملح وحمض ومنخلطن حتى يصيرو متل كريم
