تحية لكل راجل ميعرفش ينام قبل ما يقعد مع اهل بيته و يستأنس بيهم و يعرف اخبارهم
تحية لكل راجل مبيعرفش ينام و زوجته زعلانة و دمعتها على خدها
تحية لكل راجل بيفهم زوجتة من قبل ما تتكلم
تحية لكل راجل عارف ان بوكيه الورد اهم من كيلو كباب
تحية لكل راجل بيهتم يفسح زوجته و يحسسها انه مستنى الفسحة دى زيها بالظبط
تحية لكل راجل بيطبب على زوجته ..و يقبل جبينها و يذكرها بحنان بيت والدها اللى غابت عنه
تحية لكل راجل عارف و مدرك انه اتجوز انثى ..ست يعنى مش راجل زيه ..فطبيعى تكون مختلفة عنه ..طبيعى اللى يفرحها مختلف و اللى يوجعها كمان مختلف
تحية لكل راجل بيعرف يقول اسف
تحية لكل راجل قادر يهتم بالتفاصيل الصغيرة و يشوفها
تحية لكل راجل بيحسس زوجته باهميتها مهما طالت سنين زواجهم
تحية لكل راجل متعاون بيساعد . و يسامح على التقصير
تحية لكل راجل بيهتم بزيارة اهل زوجته من غير ما يحسسها ان ده تفضل منه و كرم متحلمش بيه
تحيه لكل راجل عرف يخلى ولاده بحبوه كأب مش خزنة و لا بنك يصرف و خلاص
تحية لكل راجل بيقدر يذاكر لولاده و لو مرة فى الاسبوع
تحية لكل راجل بيرد على زوجته لما تكلمه و هو بيتفرج على التليفزيون و تحية اكبر للى بيطفى التليفزيون عشان يسمعها
تحية لكل راجل بيدى زوجته مصروف مهما كان قليل
تحية لكل راجل بيقتدى بالرسول صلى الله عليه و سلم و بيتقى الله فى اهل بيته
الست كائن حى يعيش و يتعايش
بس لازم تعرف هى بتعيش على ايه قبل ما تتطلب منها تعيش و تتعايش .. ولا ايه !!.
