انجح صفيحه بشهاده الي طبقوها
معكم صديقتكم يا شلة الأنس في زاكي الشيف ميرفت أحمد
صفيحى أو لحم بالعجين
العجين:
كيلو طحين
ملعقة ملح
3 ملاعق حليب بودرة
ربع كوب زيت
ملعقة خميرة صغيرة مليانة
بتعجني كل المكونات مع بعض بماء دافئ, ضعي الماء شوي شوي مالو مقدار محدد, لحتى تتماسك
طولي بالعجن واتركيها تخمر لمدة ساعتين
قطعيها وريحيها 5 دقائق ورقيها بطحين مو بزيت, وافردي القطع بصينية الخبز وادهني الوجه باللحمة,
واخبزيها بدرجة حرارة عالية 350 بأول رف وأول ما تطلع غطيها لتبقى طرية
حشوة اللحمة:
نصف كيلو لحمة
5 حبات بندورة كبيرة
حبتين فليلفة
بصلتين
4 سنون ثوم
بتفرميهم كلهم ناعم مع اللحمة, وبتضعي ملعة دبس الرمان وشطة, لا اتصفيها من السوائل بتعطي طرواة للعجين, وما بتكش, وبنضع الحشوة على العجين وهي نية, وطبعا بعدها بنخبزها, وصحتين وعااااااااافية.
