اطيب حلاوة بالجبن يادوب اخد شغلها نص ساعة
اطيب حلاوة بالجبن يادوب اخد شغلها نص ساعة وكانت جاهزة ومتل مو شايفين كمية قليلة وبالمقلاي 
? والقشطة انا عملتا
معكم صديقة زاكي المميزة الشيف Hala Abo Allaban
حلاوة الجبن:
كاس ونصف ماء منحطو على نار وسط ليسخن
منضيف كاسين ونصف جبنة موتزاريلا و بنحرك لتذوب الجبنة
ونضيف ثلاث أرباع الكاس سكر وملعقتين ماء زهر, وبنحرك شوب على نار هادية
ونضيف كاس سميد ناعم جداً بالتدريج مع التحريك بسرعة بنحرك وبنرفع لفوق وبنزل وهيك لتصير عنا عجينة ناعمة وطرية
بنكون مجهزين نايلون وبندهنوا قطر وبنزل العجينة عليه
وبنفردها وهي سخنة وبنحط على الطرف القشطة وبنلف لفة ونصف وبنقطع
وبنكرر لتخلص كل الكمية
طبعا الرولات يلي لفيناها بتكون ملفوفة بالنايلون لحتى ما تنشف وبندخلها البراد تقريباً لمدة ساعتين
عند التقديم بنقطعها وبنزينها وبنتتقدم مع القطر, وتزين بالمكسرات
القشطة:
كاستين حليب
ملعقتين نشا
ملعقتين سميد ناعم أو طحين
ملعقتين حليب بودرة
ملعقتين سكر
ملعة ماء زهر أوفانيلا
نضع كل مكونات القشطة على النار مع التقليب المستمر حتى تتماسك, وبنطفي وبنخلط معهن علبة قشطة صغيرة وحبتين جبنة كيري وبنتركها لتبرد, ونقوم باستخدامها.
