Lamb shoulder, كتف الخروف المشوية في الفرن

المقادير للتتبيل كتف الخروف:
2 كتف خروف
بصلة
ربع كوب خل
القليل من صويا صوص
نص معلقة صغيرة (فلفل أسود، بهار حلو، قرنفل)
رشة قرفة
رشة هيل
رشة جوزة الطيب
زيت زيتون وزيت عادي

بهارات داخل صينية الشوي:
فلفل أسود حب وبهار حلو حلو حب وقرنفل وعودين قرفة وكم ورقة غار وكم حبة هيل وبصلة شرائح

الطريقة:
– أول شي بنضف الفخدة من الدهون الزائدة بس ما بشيلها كلها عشان ما تنشف لما تنشوى وبغسل الفخدة بالمي وبتركها تتصفى مزبوط.

– بعدين ببرش بصلة وبفرك الفخدة فيها من كل الجوانب، بعدين بضيف عليها ربع كوب خل وبوزع الخل مزبوط، ممكن اتضيفي شوية صويا صوص إذا متوفر وممكن تستغني عنه، البهارات المطلوبة نص معلقة صغيرة (فلفل أسود، بهار حلو، قرنفل) ورشة قرفة ورشة هيل ورشة جوزة الطيب، بعد توزيع البهارات عليها بتدهنيها بشوية زيت زيتون وزيت عادي وبغلف الفخدة بنايلون تغليف الطعام وبضبها بالتلاجة لتاني يوم عشان تتشرب النكهة.

– أنا بستعمل لشويها صينية إلها شبك وبحط تحت الشبك عند الشوي فلفل أسود حب وبهار حلو حلو حب وقرنفل وعودين قرفة وكم ورقة غار وكم حبة هيل وبصلة شرائح وبملح الفخدة قبل الشوي مباشرة وبحطها على الشبك وبحط في قاع الصينية شوية مي وبغلفها مزبوط بالقصدير، وإذا الصينية مش متوفرة عندك ممكن تقطعي بصل دوائر سميكة شوي.

– وتحطيه في قاع الصينية اللي عندك وتحطي الفخدة عليه وتوزعي البهارات الصحيحة حواليها وكمان بتضيفي شوية مي، وبتحمي الفرن قبل بوقت على أحمى درجة وبتدخليها عالفرن وبتخليها ٣ ساعات وكل ساعة إلا ربع بتفتحي طرفها وبتشيكي على المي اللي حطيتيها في قاع الصينية عشان ما تنشف وإذا شفتيها محتاجة بتضيفي شوي وبترجعي بتسكريها مزبوط وبترجعيها عالفرن، بتطلع محمرة ومستوية وبتشهي، وصحتين وعافية.
لمتابعة هذه الوصفة الشهية ووصفات أخرى لمبدعتنا, تابعوها على جروب “زاكي” لفن الطهي:
Lamb shoulder, كتف الخروف المشوية في الفرن