مقلوبة على لحمة من أزكى الطرق اللي جربتها
مقلوبة على لحمة من أزكى الطرق اللي جربتها
معكم صديقة زاكي المميزة الشيف لينا عرار
الطريقة:
بننقع 4 كاسات ( او حسب الرغبة ) ارز حبة طويلة وبحط ملح بمية النقع وبخليه نص ساعة بعدها بصفي الماي وبحط ع الارز ملح ورشة قرفة ورشة هيل. بطنجرة بنحط رشة زيت وبنقطه بصلتين صغار وبنحط 4 ورق غار و8 حب هال صحيح ومعلقة صغيرة قرفة مطحونة وعود قرفة صحيح ومعلقة كبيرة من بهارات اللحم الجاهزة و3 حباب مسمار،بغسل قطع اللحم منيح وبحطهم عخليط البهارات وبحركم ليوخذوا لون بعدها بغمر الطنجرة ماي وبتركها لتستوي اللحمة ونضل نراقب الماي.
بقلي الخضروات ( زهرة وبطاطا وباذنجان طولي والجزر بقليه دقيقة واحدة اخر شي والزيت حامي ).
بس يجهز كلشي بحط باسفل طنجرة بندورة لتمنع الالتصاق وبرتب قطع الباذنجان ع الاطراف وبحط بالنص الخضروات المقلية بعدها رشة ملح بعدها قطع اللحمة وبعدها الارز ورشة ملح وبملح مية مرق اللحمة بشكل معقول وبغمر الارز فيها بشكل يغمروا ويزيد عنو اقصى حد 2 سم. بنغطي الطنجرة وبنتركها لحتى تستوي وبنقلبها بهدوء وصحة والف هنا .
