البرازق الشامية على الطريقة الأصلية القديمة

البرازق الشامية على الطريقة الأصلية القديمة
معكم صديقة زاكي المميزة الشيف لينا عرار

الطريقة:
بنخلط 3 اكواب طحين مع نص كوب سميد ناعم جدا مع 1 م ص محلب و1 م ك باكينغ باودر وكوب سكر عادي. بنضيف عليهم كوب سمنة وفنجان صغير زيت نباتي وبنحرك منيح. بنحط معلقة ونص صغيرة خميرة فورية بكاسة الا ربع ماء مثلج بنحركهم وبنحطهم ع الخليط. بنشكل العجينة بايدنا لتتجمع كلها وبنتركها بالثلاجة ساعتين.

بنحمص سمسم وبنحط عليه قطر ثقيل مخفف بماي او 2 م ك قطر و2 م ك ماء بنحطهم ع السمسم وبنحرك. بس ترتاح العجينة بنوخذ بحجم كرة صغيرة بنكورها وبنحطها ع السمسم وع الوجه الثاني فستق حلبي. بنحطهم بصينية تحتها ورق زبدة بنحمرها من تحت حتى يبين لون التحمير بعدها من فوق بتركها تبرد تماما لانها حتكون طرية وبنتركها مكشوفة لثاني يوم