العيش البلدي علي الطاسة
عيش بلدي ع الطاسه طري جدا وفاضي خالص من جوه مش معجن ورفيع كله بلا استثناء
عيش الازمات سريع ومش بياخد وقت الا لو هتعملي كميه
دا كلام صديقة الصفحة الصديقة هذه ليلتي يلا معاها نشوف المقادير والطريقة
الطريقة:
بالاكواب المعياريه ٨كوب دقيق. ٢ م ك خميره ممسوحين ٢ ملعقة صغيرة سكر رشة ملح وميه دافيه للعجن
هندوب الخميره مع السكر. ف حبة ميه ونحط رشة الملح ع الدقيق لما الخميره تشتغل هننزلها ع الدقيق ونعجن ١٠ دقايق ونسيبها تخمر قعدت حوالي ساعه ونص غالبا عشان الكميه كبيره
وبعدين تتقطع على ٤ وتاخدي ربع ربع وتلفيه زي الاسطوانه بالطول وتقطعيها بالسكينه قطع متساويه وكل قطعه تتلف كوره ويتغطو وانتي شغاله واول ماتخلصي كل الكميه ترجعي تبتدي من اول كوره وتفرديها على رده ناعمه او دقيق زي ماتحبي ويتغطو برده وتسخني طاسه على حراره متوسطه وتبتدي بأول رغيف اهم حاجه حفظ الترتيب عشان ده بيفرق ف راحة الرغيف وتخميره
هينزل الطاسه وتعدي من ١ ل ١٠ وتقلبيه الناحيه التانيه وتعدي من١ ل ١٠ وتقلبيه وتستني لما ينفخ
الصور لتوضيح الخطوات
ملحوظه. ضروري مسح الطاسه بمنديل بعد كل رغيف عشان الرغيف اللي وراه مايتحرقش .. و صحتين و هنا