كلير لمحبي الحلويات الغربية
معكم صديقة زاكي المميزة دوماً الشيف Jasmin Has
المقادير:
نصف كوب زبدة
كوب ماء او حليب (بالحليب عم لاقيا اطيب)
كوب طحين منخول
4 بيضات
الطريقة:
ندوب الزبدة والحليب او الماء عالنار ونضيف الطحين ونخلطهن ونرفعه ونتركهن ليبردوا عالاقل 5د ونضيف البيضة ورا التانية ما بنضيف واحدة لتختفي الاولانية ليخلصوا 4 بيضات وبيطلع مزيج سميك نوعا ما
بنعملهن بكيس الكريمة ع ورق الزبدة اللي بالصينية بشكل اصابع طولية
كل ما صغرتون بيكون احسن (بتضمنوا ينفشوا ويستووا وما يعجنوا )
بندخلن فرن محمى مسبقا بدرجة 400 وبنخففها ل 360 بعد 10 بيضلوا بالفرن تقريبا تلت ارباع الساعة وبس يبردوا نحشين كاستر ونعملن تغطية شوكولا
الكاستر
كوبين حليب بنغليهن عالنار مع تلت الكوب سكر
بوعاء تاني بنخفق بيضة كاملة + صفار بيضتين + 5 ملاعق طحين + ملعقة صغيرة فانيلا
بناخد من الحليب المغلي وبنضيفه للبيض المخفوق مع التحريك جيدا وبنرجع بنضيفه على بقية الحليب المغلي مع السكر وبنحطه على نار هادية مع التحريك المستمر ليسمك ويتقل وبنتركه ليبرد .