أطيب حلا للقهوة وللناس اللي بتحب الروقان
أطيب حلا للقهوة وللناس اللي بتحب الروقان
معكم صديقة زاكي المميزة الشيف زهرة تشرين
اتفضلوا يا بنات , سيدات
حلى فخم ينفع مع القهوة وراقى جدااااا
اخدت طريقتة من صاحبتى هو من طبقتين
المقادير لصينية مقاس 24 ( صغيرة )
**مقادير الطبقة السفلى
=============
10 معالق طعام لبن بودرة اى نوع تكون مليانة
كوب ونص زبادى المراعى او نستلة او اى نوع ( بتسموة يوجرت او لبن )المقصود بالكوب مش الكوب الجلاس بتاع البيت لأ , اقصد كوب الزبادى الجاهز
بيضة
ربع ملعقة صغيرة فانيليا + ملعقة صغيرة خل لزنخة البيضة
ربع كوب سكر
نصف كوب زيت
كلة يضرب بالخلاط
بنحضر صينية مدهونة بالزيت او السمنة دهن خفيف وعلى الجوانب
بنصب خليط الطبقة السفلى بعد ضربة بالخلاط بالصينية بندخلة الفرن لمدة تلت ساعة رف وسط بيكون الوجة لونة اصفر فاتح مش بيتغير لونة من الفرن لكن نتأكد انة تماسك بيطلع من الفرن نتركة يهدى شوية يكون بدرجة حرارة المطبخ
على بال ما نجهز الطبقة العليا
**مقاديرالــطـبقة العليـا
==============
باكو كريم كراميل ( علبة وحدة )
الكراميل ( السكر المحروق )نتركة على جنب عند التقديم
نصف كيلو حليب ( ميلك )
بندوبهم ونحطهم على النار مع التقليب الى ان يغلى الطريقة بتكون موجودة بالعلبة
اسيبة يهدى شوية ويكون بدرجة حرارة المطبخ بعدين بصبة على الطبقة السفلى اللى بالصينية واتركة بالتلاجة يبرد ويقدم بعد ما نضع على الوجة الكراميل ( السكر المحروق)
===========
**ملحوظة اخيرة **
بالنسبة للكراميل ( السكر المحروق ) بيكون مع العلبة قليل جدااا فأنا عملتة بالبيت
اسيح سكر لوحدة على النار حوالى معلقتين كبار او 3 عادى مش فارق بعد ما يسيح اضيفلة ربع كوب ماء ساخن يمتزوج مع السكر ويكون سائل عادى واطفى النار علية اسيبة يبرد واحطة عند التقديم على وجة الحلا زى ما انتو شايفين بالصور من دون اضافة اى شىء على السكر المحروق الماء فقط ولا زبدو ولا قشطة ولا اى حليب ولا اى شىء وبالهنا