بيتي فور هش وسهل وبدون خفاقة كهربائية

بيتي فور هش وسهل وبدون خفاقة كهربائية
عجن يدوي
معكم صديقة زاكي المميزة الشيف نور طعمه

المقادير
1 كيلو طحين
700غ زبدة نباتية أو حيوانية(يعني3 قوالب ونص) طرية بحرارة الغرفة
1بيضة
1-1/2 كاسة ونص سكر ناعم بودرة
ظرف فانيلا
رشة بيكنج بودر(نص معلقة صغيرة)
رشة ملح ربع معلقة صغيرة
للتزيين مربى مشمش وفريز -فارماسيلي
مكسرات وشوكولا حسب الرغبة
الطريقة
نخلط الطحين مع بيكنج بودر والملح والفانيلا
نضيف الزبدة الطرية ونعجن
بنضيف السكر الناعم ونعجن
بنضيف البيضة وندعك لحتى تنلم
نقسم العجينة قسمين ونضيف للقسم التاني 3ملاعق كبيرة كاكاو ازا جمدت كتير بنضيف معلقة حليب سائل بارد وندعك ونلم بدون عجن
تشكل بآلة ضغط البسكويت أو تفرد وتقطع ﻷشكال وممكن بأي قمع للكريما نضع قطعة من العجينة ونضغط بأصبعنا ليطلع العجين بالشكل متل الصورة
تشكل على ورق زبدة أو بدون ورق
تخبز بفرن حرارته 180- 200م لمدة 10عشر دقائق بالرف الوسط
أو حسب حرارة فرنك راقبي البيتيفور دائماً
بس ياخد لون دهبي من تحت بنشعل الشواية لياخد لون أشقر بنطلع الصينية نتركهن يبردو تماماً
تدهن بمربى ونلصق قطعتين ببعض
وندهن أحدى الطرفين بمربى ونغطسها بالفارماسيلي الملون
أو جوز هند أو مكسرات مطحونة وممكن شوكولاته سائلة حسب الرغبة
وتقدم وصحتين وهنا
نور طعمة