كيكة النعنع ويا بتاع النعنع يامنعنع
معكم صديقة زاكي المميزة الشيف المبدعة Tahani A. Al-Tamimi
كيكة النعنع
☘ ٤ بيضات بدرجة حرارة الغرفه + معلقة كبيرة فانيلا + معلقة كبيرة خل أبيض + كوب سكر ( بنخفقهم مع بعض لمدة ٥ دقايق )
☘ كوب نعنع و كوب سفن اب ( خدي ربع كوب من السفن اب و حطيهم على كوب النعنع و اخفقيهم بالخلاط ) بعدين ضيفي خليط النعنع عالبيض المخفوق و من بعدها حطي باقي كوب السفن اب، و ربع كوب زيت نباتي و نقووطة صبغه خضرا واخفقيهم بهدوء و باتجاه واحد
☘ هلا بتكوني ناخله كوبين و ربع طحين مع معلقه و نص كبار باكينج باودر و رشة ملح خفيفه و بتضيفيهم عالخليط لحتى يتجانس و بتخبزيها على درجه حراره ١٧٠
الصوص اما توفي تحضريه في البيت او حليب مكثف محلى
انا استخدمت علبة حليب مكثف حجم صغيييير كتير حطيتها بغلاية مي عالنار و هي مسكرة العلبه لمدة نص ساعه و سكبتها عالكيك و صحتين ☘تهاني التميمي☘
