طريقة كيكة بوسطن الشهية
معكم صديقة زاكي المميزة الشيف المبدعة Nesreen Harara
الطريقة:
مقدار صينية وسط نعمل الطبقة الاولى وهي عبارة عن كيك سادة 3بيض ومعلقة صغيرة فانيلا ومعلقة صغيرة برش ليمون نخفقهم كتير امنيح مع كاس ونص سكر ثم نضيف نص كاس زيت وكاس حليب سائل ونخلط وبعدين نضيف كاسين طحين منخول مع معلقتين صغار بيكنج بودر ونحركهم بهدوء ليختفي الطحين وتخبز لمدة 40 دقيقة
وبس تجهز نتركها تبرد ونعمل بها ثقوب بطرف المعلقة ونسقيها بعلبة صغيرة حليب مكثف او كاس حليب طازج وبعدين نجهز الطبقة التانية وهي كاسين كبار حليب سائل مع ثلاث معالق كبيرة ومليانة كاسترد ومعلقتين كبار سكر بنجهزهم عالغاز ليتقل الخليط (نخلط معه علبة قشطة اختياري)ونصبه فوق الكيك
ونجهز الطبقة الثالثة وهي صوص الشوكولا كاس صغير حليب سائل مع معلقتين كبار كاكاو بودرة وكاس ونص سكر نخلطهم حتى يذوب السكر وننزل بكوب الاربع زيت بشكل خيط والخلاط شغال حتى نحصل على صوص كثيف نوعا ما نصبه فوق الكاسترد بشكل نقط ونوزعه بالفرشاه او معلقة ويزين حسب رغبة انا برشت شوكولا ونضعها تبرد بالثلاجة ساعتين والف صحة
