فطاير مشكلة وبعجينة هشة ومقادير بسيطة

فطاير مشكلة وبعجينة هشة ومقادير بسيطة
معكم صديقة زاكي المميزة الشيف Laila Mustafa

العجينة:كيلو طحين متعدد الاستعمالات + ملعقة كبيرة خميرة حبيبات (فورية ) وملعقة صغيرة بيكنغ بودر وملعقتين كبار سكر ورشة ملح ونص كاسة زيت نباتي وكاسة ونص مية دافئة حصرا لانو الباردة بتبطىء التخمر والساخن بتوقف التخمر بنعجنهم لتصير العجينة متماسكة وماتلزق بالايد وبنتركها ساعة تتخمر وبعدين بنشتغل فيها
ملاحظة كمية المي ضيفي كاسة واعجني واذا شفتيها ناشفة ضيفي الكمية التانية لانو حسب نوع الطحين بكل بلد
الحشوات
حشوة الجبنة: جبنة بيضاء مع جنة قشقوان وحبة البركة وفلفل أحمر وبقدونس امركم
حشوة المرتديلا : مرتديلا مبروشة مع جبنة قشقوان وفليفلة خيرا ودبس فليفلة وبهار مشكل
حشوة السبانخ: سبانخ وملح وفلفل أحمر وليمون ودبس رمان وكزبرة وسماق ورشة كنت
حشوة السجق:بنقلي بصلة وبنضيف فوقها بندورة مقشرة ومفرومة وفطر مقطع وسجق مقطع وبهارات وفلفل احمر وأسود وملح